入主水泥股

我見you sir同cup sir做１月總結，我都學埋一份先。


１月份已實現利潤有９．６％，現有持股利潤（未實現）有１０．６％。
看似好高咁，其實由於上一年虧損嚴重，無止蝕，上了寶貴一課（＄＄＄＄＄＄＄），現有資金仍要追３０％利潤，才能打個和。因此，我而家買股一見唔對路，寧殺錯，唔放過。

目前策略上可以檢討的地方有幾個：
選股方面，要更加嚴格，避免在回吐市中受重傷，以前天單日回吐作例子，我就唔見了３．３％。ＦＡ要穩定增長之餘，股價亦要距離高位遠（本人怕高），ＴＡ上要有大成交在低位出現，即是有大戶積極買進。在咁的情況下，就可以揸得安心又放心。


保本為上的策略比進攻更為重要，因為損失太多子彈，等同提升了反攻的困難度。


今天操作：
沽出２６００（收市前好強，升了幾格，估佢唔到）
沽出３２３（本身可以食ＢＵＦＦＥＴ，而家只係賺個ＴＥＡ= =）
買入７４３亞洲水泥　（今天考慮過水泥板中，以呢隻預測ＰＥ最低３．３倍，成交偏低和有３－４％派息）


留下事項：
跟ＣＵＰ　ＳＩＲ買９０３，在買當天見到要錢唔要貨的現象，今天已經升至１．９８，真係估佢唔到，所以我有發夢死牛至3元最大的裂口。(@@但係2.1和2.6呢兩個裂口沽壓會好重)

２８６８，ＴＡ　麻麻，但係最近成交大得太唔合理，昨天回吐企硬，今天仲跟住升。上望1.9-2.1元，採見好就收策略


494係我研究左好耐的保加力股，待回到下軸後，我立即沽股去買。


1068，最高風險的FA股，因為豬瘟難料。正因為上述元素，所以才有咁大折讓。搏一搏LA，待回到下軸後，再增持1注。


友佳國際 (02398.HK)，係一隻好想買，但係是一隻買賣兩閒的股，賣出價抬高太多，找唔到位入，同時也擔心買了之後，沽唔出去@@

最想知道2128的業績，升到4.3，唔太想買。4元以下可考慮。


3339 PE 低，上3.8應該無問題，再上真係WHO KNOWS


716 TA係 VERY GOOD ，息口高１０％　。看過行內報告（係超多英文果Ｄ），行業前景2-3年內唔受航運業影響，想再買多D，但BETA高，唔想再中招。最儘係買多少少　５％。

大回吐

本身預期升市會持續，可惜跌眼鏡。
這跌一跌對我未必是一件壞事，至少令自己了解順勢未必會好下去。而且令我反思如果一定要強迫賣貨套現，我自己心情係幾咁忐忑，唔知向邊一隻下手。最終選擇了無咩跌幅的1899和966下手。由於見1157跌到太金，所以最後還傻傻地咁衝入去買上星期於11.2放左d 的1157。今天回家看TA，發現1157 TA變壞的可能性大增，希望唔會再蟹1157 la。其後，為了增加自己的信心，翻查EPS ，原來1157的預期PE有9倍。相比起3339，3339PE只有4.5倍，貴了一倍@@。還是買3339更好~
67和2208超燈，蟹了。
323有可能會放。
2868 超硬，跌不下的內房= ="   彈OVER10-15%-20%就沽
1068 終於回了!侯位買入。想再入1手
494的走勢係我指路明燈。
2600和17係成份股，不知該不該殺。
看來太多長倉都係一個煩惱。因此我決定用25%ASSET 作(短倉加現金)， 令自己更有彈性。
716
1068
2722
67
189
17
2600
904


今天組合跌了3.39%，損失嚴重。

向20000出發

 好好彩，昨天提及的1899和966都爆上了。可惜早上要出job，iphone卻用唔到渣打的網上買賣。眼白白錯過了買進1899和966最佳價位。明天係兔年最後一個交易日，跟住放5天長假，收市前應該有沽壓，兔仔最後一彈能否守在20000點之上呢?抑或留番呢個榮譽給下年的龍仔? XD


其實~~
最近我被勝利沖昏了頭腦，無好好思考谷底向上衝的牛市要如何投資才會有最高的回報。
我只係將自己的心機放於發掘轉機股身上。無可否認，目前的回報超過15%，十分可觀。可是，我突然發現我做錯了，我忽略了一個重點。這樣的單邊市上，真係唔會持續好長時間，我心知有些股票例如內銀1288,3988都會勁升，亦估到內銀會至少會有12% 升幅。於9/1/2012，我清楚觀察到大戶壓住恆指，去輪流炒各板塊。更估計到恆指會挑戰20000點，相關恆指成份股無可能唔升。既然我知道這超短暫的絕對黃金時刻(這詞語係我自己作的，意思係指在雞犬皆升的急升市，這一段超短時段內<兩星期或更短時間>，股市升的機會會比跌的機會高勁多。換言之，回報和風險不成正比，是高回報極低風險的時刻)會出現，我卻無訓身買入內銀的牛證，搏取最大的回報。尤其係1288,3988,1398都升左咁多，939卻落後。我理應要將資金放進939的牛證。5天升50%的低風險機會，1年裡真係唔會發生好多次。目前，939仍然落後。雖然我估計939可上6.5元-6.7元水平，但係目前的939好超買，回吐風險很大。買牛證損失的風險被放大，做摃杆的意慾大減。



基本上，如果投入所有可用的資金買939的牛證，先賺50-70%，才將增值了資金買入谷底股。基於基數大了，multiper effect 的結果會更大。


問心，我係超貪心的。我希望我的身家能在呢兩年的升浪中翻3倍。於是乎，我好努力咁尋找一D 好殘好殘的股，跌超過80%的股票更是心頭好。跌超過80%的股票升回原價相等於升4倍。可是，我發覺跌得咁殘的股票，它的基本因素真係差得好要命，例如高負債、蝕錢或者係妖股。否則正常人係唔會肯以殘價賣給你。今天CUP SIR的BLOG說出了買轉折股的弊端(估錯了亦會很大鑊，輕則跑輸，重則損手)。當人人賺錢，而你買果D 唔曉升，甚至跌。自己心理上會係超難受。因此如何去平衡轉折股、必升股(因為恆指升，大部份籃籌股都會升)與現金的比例係幾何倍增資產的關鍵。


另一個加速資產累積的方法係：於板塊輪流炒下，賣出急升超過15-20%的股票，並買入未有點升的落後板塊。當該板塊急升後，就再次買入回吐或未升的板塊。如果技巧做得好，就相等於買馬過關一樣咁好執。如果做到3次炒賣，就會有(1.2 X1.2 X 1.2= 1.7)70%回報。4次炒賣就會有2倍回報。


想達到倍增資產，死牛未必係最好方法。況且，牛市的時候，好多股都能夠翻一倍。 因此買好多能翻一倍的股票，只能夠保障自己的資產能翻一倍。若想翻兩倍以上，除了發掘轉折股，不停炒賣係唯一的方法。不過，炒賣的技巧和TA 分析不是我的強項。

另一種方法 係玩期權或遠期認股證，不過我未有深入研究。
諗真D，現在20000點。如果係牛市，始終會升到24000以上，究竟如何把握這4000點空間，係目前最重要的事情。

關於1157 及 3339的相關走勢

以下係人手用互動圖表比較走勢的歷史結果，可能會有5%standard deviation誤差存在

	1157	中聯重科		3339	中國龍工
	由	去	相差	由	去	相差
23/12/2010 - 13/04/2011	13.2	17.2	30.30%	4.25	6.07	42.82%
13/04/2011 - 13/06/2011	17.2	12.3	-28.49%	6.07	3.74	-38.39%
13/06/2011 - 05/07/2011	12.3	16.16	31.38%	3.74	4.51	20.59%
13/06/2011 - 26/09/2011	16.28	7.19	-55.84%	4.51	2.21	-51.00%
26/09/2011 - 28/10/2011	7.19	12.3	71.07%	2.21	3.32	50.23%
28/10/2011 - 29/11/2011	12.3	7.8	-36.59%	3.32	2.45	-26.20%
29/11/2011 - 19/01/2012	7.8	10.8	38.46%	2.45	2.94	20.00%
OVERALL	17.2	7.8	-54.65%	6.07	2.45	-59.64%
FUTURE!!??	7.8	17.2	120.51%	2.45	6.07	147.76%
NOW- TARGET	10.8	15	38.89%	2.94	4.5	53.06%

結果顯示 3339係落後1157大約15%。換言之，10.8元的1157 =3.35元的3339
哈~其實係估下無痛苦~
雖然數字難估，但相關走勢的statistics 都顯示，兩者必定最後同步。有任何一方落後，或提早轉弱。另一方必步後塵。

輪到炒保險股

今天零操作

板塊輪流炒，今天輪到炒保險股。保險股以中國太平966吸引到我的目光。由於公司唔方便用aastock 打開8年週線圖，未能看清楚966的真實走勢。番到屋企，才發現966真係好殘，跌足了1年，由$30洗到$12.5。距離2008年低位$10，唔係差好遠，而且一樣跌了19元的幅度。不過，不利的條件有三個，第1係盈警，泰國水災受累蝕錢。第2係唔乎合量價齊升的條件，雖然最近兩天出現大成交，可惜價位無咩點升。第3週線向下，TA 未出現好明顯的突破SIGNAL。買呢類股，最怕低處未算低。如果KEEP 住跌落10元甚至更低，真係會好大損失。再從逆向思維去看，出了盈警，而股價再跌不下去，甚至反升，就係代表有強大的投資者承接，認為未來遠景係正面。正如2866，最近出了盈警，股價卻反彈了好多，因為大家認為未來運費會上升。因此受壞消息影響，而股價升的股票，係特別值得留意的轉機股。

我相信966係轉機股，難題係買入點在那裡。

另一隻吸引我注意的就係1899興達國際，今天才發現1899價量齊升，反應太遲頓。呢隻股對於我係有段故仔，在2011年4月尾期間我買入1899，第二天就急瀉$1(接近8%)，係我最大的單日損失，我立即止蝕離場，其後股災就開始。之後純利倒退47.3%，我就唔敢再掂1899。今天1899由谷底$2.8反彈到達$3。最近4天成交放量，接近2億元。

等我都學下大戶的講法，我確信買入1899，哈哈。

 在滿倉情況下，要買1899或966，必須賣貨才得。無辦法，697首長和1157難逃被我減持呢!

還有，1972. 太古地產，也是我心頭好。

升到爆

今天升了600點, 是久違了的大升，而且成交增加到678億，買入力量十足。

自己的持股升幅至少2.5%以上，升得最多的是中國鋁業，有8.12%。似乎在一個灰極的股市中，殘股的反撲力量會係最強。可能因為買方的信心弱，更願意在股價看似不穩的情況賣出股票，而最終落入收集者(大戶)的手上。

基本上，今天我係十分貼市的，所以留意到《要貨唔要錢》的現象。早上高開後，在10:30-11:30的時段有回吐的壓力，而且向上的沽盤也排得密密麻麻。在中午收市前，已經重上開市的高位，甚至比開市高位更高。下午就不得了，買盤好像排山倒海，好多股都追落後，或者升突。最後30分鐘，買盤更見積極，勢要推到有咁高得咁高。正如 投資達人 曾經所說，升市係要真金白銀咁堆砌上去，所以今天的升市係好有意義。我亦特別留意個別股份的表現，以分別那些才是潛質股，並逐步調整自己持股的百份比。

今天總共做了5宗買賣。因為剛剛出了糧，所以立即在早上加碼買進心儀已久的189。到11:00左右，發現3339 價量突破，最高升2.78(升8%)，在2.72稍為回吐的時候，沽出了658套現現金去入貨(其實今天658都升左好多8%= =)。另外，我一直持有大量1157，所以對於姊妹股3339的落後感到好意外。1157已經由低位$8-8.5升至$10.3，有25%升幅。不過，3339好似無咩點郁，本身我打算3339出現第一支大陽燭(4-5%)後，亦即是追落後的signal，才大手買入。可惜，3339一係唔追，一追就追12%，相等對於追了半。不能不佩服大戶夾高的魔術技巧。由於1157和3339存在差價，我在臨收市前，沽出部份1157，再加碼明知有得賺的豬肉3339。暫時3339的目標價係10月尾的阻力位$3.25-3.4。希望我呢個做法係正確LA。

食了團年飯後，第一時間去睇各大BLOG友的看法。最樂觀是CUP SIR，他一樣入了3339，哈。關二哥選擇轉軚，由前天全線沽出，改為今天大手買進，他也一樣入了3339。最受波幅影響的是投資達人 ，TREND FOLLOWER 唔易做，股市的假SIGANL的確好易玩死人。講古交易員 就保守D，對於升市有戒心，並提出了下一次調整的可能條件。 果然，《一樣米，養百樣人》。

目前，我最看好的是內銀，而偏偏連1股都無，真係吹脹。如果要買，以3988的派息和走勢最為吸引。而1288最有潛力，可惜1288好快到$3.8,$4的關鍵阻力位。即使突破了，都要在這範圍波動。從另一個角度看，錯過了$3.3-3.7的入貨位，唔代表$3.8的入貨位係貴。 另外，好後悔無把握2128 $3.3-$3.5的買入位。這就是同時留意太多隻股票的壞處哦。

策略:

除非有重要意外/事件發生，我主力會係儲貨，並會定期轉換某些股份去提高操作效率和降低風險。

1．入貨目標1068,494,716,2128, 189, 67, 1288,3988

2．尋找業績無咩點倒退，派息穩定兼高息的股份

3．TA~ 出現升穿10天月線的股票

感恩的~
能夠於9/1/2012確認升市的開始。
內房688絶對係轉勢的明燈。
當連最不被人看好的東西都突然強勢起來，自己就要做好入市的準備~

公司忙，零操作

2600 和 658 的走勢轉壞~
大盤升它升好少，大盤跌它跌得甘 ，無咩承接。

如果持續弱勢多幾天，沽出套現金。

今天新聞係咁講歐債危機，但係今日跌幅又唔算嚴重。究竟係股市底強勢，抑或係回調前的寧靜!?

思前想後，想將一部份資金投入內銀股 ，以P/B估值，及派息率去分析，以3988和1288最吸引。


今天716竟然升4%，難道有股東增持!?

無可否認，TA的存在可令自己躲過風險。493，951和1900的TA 轉弱，寧不賺也以保本為上下沽出，暫時都證明做法正確。唯一跌了眼鏡係理文造紙，錯誤判斷了支持位，早賣了。
漸漸體會到TA的重要性，係令自已在保本點上作出了保證。

新張開幕

開呢個blog 的目的 ，在於記錄自己投資的眼光和心態。

自己參與投資的時間只係好短，而且大多數都損手得幾慘下。

但係我堅信投資係一件長期的事，除非到自己終於有一天完全唔參與，否則都有翻身的機會。同一樣道理，一直參與就會有倒蝕的可能性，所以投資係一件必須認真對待的事。

引用cup sir 的名句「交易長期虧損必定是自己的錯誤，而不是市場的問題。」，要賺錢就要好好管理自己的投資方法和檢討過往的經驗。

 希望2012-2013年是我收成期!

我最喜歡看cup sir、講古交易員、投資達人和關二哥的blog，他們所持的投資觀念各有一套，在同一市況，他們的投資舉動反應都好唔同，同時間，再對比自己現在的投資方式，從而反思如何修正，做出更洽當的買賣策略。

根據安德烈．科斯托蘭尼的說法，要成為富人，必須從成長型行業或者轉機企業身上(轉機企業指陷入嚴重危機、虧損或甚至面臨倒閉的企業)，並在比一般大眾更早發現的時機以合理或谷底水平買進。這說法當然是說易行難，但我依然會跟據這方式去進行今年的交易，因為2011的大跌市做就了嘗試這方法的時機。再配合TA來決定進場和離場的時刻，由於我TA 還是初哥的階段，我會多留意CUP SIR 和 講古交易員 的TA 分析來警剔自己。

由於我資金好少，投入股數就不公開，免得貽笑大方XD，只會告訴大家大約的百分份就算了。

至今我持有12隻股票，大多數係最近股市轉勢前或期間買進，所以都好好彩有利潤。

安德烈長線以小搏大股如下 ( 每隻持股8%資金以下):

雨潤食品 (殘，唔信中國人唔食豬肉)

勝獅貨櫃 (殘，研究過貨櫃供應長期短缺的報告和管理層2008中招後的管理策略)

冠捷科技 (殘股，股息率太吸1X%)

東岳集團 (增長太強了，可恨的是無在3-4元的時候大手買進，未來會用平均成本法地慢吸至20%資金)

中聯重科 ，唯一持股OVER 35%，汗(自己最迷戀的股，蟹蟹蟹了還是會買，升到回本水平，會減持並換馬至其它股，避免倉位太重)

新世界發展 (派息穩定，6.8買入有5%股息率，好吸引，而且價殘)

重慶機電 (7%股息率，價殘)

中國高速傳動(超狗股，殘到天方地老)

首長國際(殘但5線，超小注，純粹當買六合彩)

中國煤層氣(無厘頭大跌，超小注，純粹當買六合彩)

短線炒波幅股(放了就當流動現金)如下

馬鞍山鋼鐵股份

中國鋁業

利豐 ~無貨(最早升穿10天月線的股票，超超超值得長期持有，但係由於我想試下其他投資選擇，所以只會在這股回吐至保加力下軸的時候投機買進，賺取波幅)