買錯輪，更買錯時機

388由101元抽上109元，3 日時間有8%，真係賺到笑。可惜我無錢買。自己買的輪又無反應，吹漲，呢隻輪要上120元，先會有波幅
1088和1898明顯跌過火了。

見1398除淨，買入當收了息，4.48元的價位，我認為算係唔錯的價位。

今天公司太忙了，無時間看市。放工去踢ball，留力踢，又輸埋d無謂ball。哈，明天踢hall f 希望唔好再輸la。

愈跌愈買

如昨天所料，昨天瀉得太急，今天企穩也合理。
根據昨天的安排，見3323價好，沽出套取現金。至於1555價位唔理想，而且未算穿支持位，所以觀察多一段時間再算吧。
168創52週最低，
煤炭股今天都捱沽。
716亦未見底，現在開始撈底，會唔會早左d?
不過，1898的現價真係好吸引woo......
雖然股票呢一樣野可以低處未算低....

港匯又再爆seed，強到去1 美元 = 7.7592 港元。
不過，我翻看過去港匯表現，港匯強係會有delay effect，尤其在升市市的時間

大插~

今天出奇地累，又勁頭痛，操作也不想多。
由於751無跟跌，所以沽出751。另外，怕2128被洗，所以無賺蝕下沽出2128。

對於今天不理性跌市，我相信明天會有個似樣的反彈。如果升勢似樣，我會順手沽出3323及1555，並嘗試用愈跌愈買，反彈就沽貨獲利的策略。 如果明天跌，就視乎跌的幅度才入call 輪，集中以1898,388,1088的超遠期LONG CALL輪作戰。

集中玩某幾隻股票，成功率會更高。

 港匯還是超強，究竟背馳多久才會曉升呢!!!

剛才再翻看不同板塊的走勢，部份都幾陰人和有前瞻性。
1072是最 陰濕的莊家股，每次升都係引人中招，之後無幾耐就跌。
2689
 中國平安破關鍵位= =
反彈浪玩完了，要下試一段下一個關鍵位才搏反彈la 。
3,4 線股今轉洗得好狠，似乎會洗番一個星期，才會有個較似樣的反彈。

檢討時間:
內銀3988在2.8元做了第一個底，如果3988跌穿了2.8元，並再回升上2.8元樓上，就確認係雙底。
看完圖表，自己才發現688好好炒，方向明顯又走得快。
若果想再準確d咁觀察市況，找諗我需要比較內房與內銀的關係。
由高位內銀向下跌，內房升 ，內房閃人。
1)內銀同內房同步企穩，內房反彈力度會好強。
如果內房先升，內銀會後跟。
如果兩者同步，就無特別野可以留意﹕
2) 在第一個反彈浪，內房會先回吐，但係內銀依然企硬，可以放心追入內房的回吐。
3)如果連內銀在區域波幅，內房卻強勢，代表散貨期，可以短線炒波幅。見跌買，見高沽。
4)內銀跌破區域波幅，內房要立即散水。

反彈浪是開始還是準備完結

5,6月的香港金融市場﹐充滿壞消息，股市走勢卻呈強。港匯也超強。
我十分認同講古交易員所說，6月初應該不會太淡，始終都跌了2500點，大戶想跌都要需要再部署，而且根據過往圖表的走法，大跌市(1個月跌2000點以上)隨後都會有一段大約半個月或大約十天的調整期。之後才會再跌過。

從簡單的三分法去分析:偏高，正常徘徊和偏低 。我認為港股處於偏低的水平，即使目前買的貨唔未必係最低價。而且，我好肯定股票一定會有從估值偏低變成偏高的時候。作為投機的自己，必須好好把握買咩升咩的升浪(大約歷時1個月左右)，將槓桿放大。目前的狀況，我認為有點像上年12月份或者9月份的階段，大戶忙於收集貨源。至少目前該階段唔係今年1月的情況，所以我對於如何處理我手上的call 輪，要再作調整。至少我翻看388的圖表，超賣的情況存在，但反彈的起點或力量就好視乎hsi 的挾倉加度，唔夠長時期的call輪在這重點上始終有點蝕底。

即使而家反彈的條件十足，但係現時牛證的數量也未免太多，向下殺牛的可能性都好高，再反手在區域波幅的機會好消耗牛熊證的可能性好高。同道理下，call warrant 也會處於捱打的狀態。

3,4線股份的表現:
大部份都一般，有築底的跡象。大上大落，有部份弱板塊都仲洗白白中。
洗白白: 電訊,太陽能，賭股

落後的始終會炒上。

學習點:
突破形買法的好例子
874廣州藥業股份
上升幅度大，短時間內已經升超過一倍以上。
只要把握好止蝕點用7%去搏100%，的確有它的好處。

收市成交急升!

屌~打左勁長的文~無左

唯有，簡單打la
內銀轉強，成交急升，利好
港匯由7.7650=轉強 至7.7615 港元，利好
由最多跌350點，收市回順至跌68點，有承接力，利好

正股表現
3323   ok守住10天線
773     勁，突破7元水平!
2128   4元以下好大承接力，好!
1555   曾經跌到好勁至1.84，收市回順至1.95，變相升了接近5%
148     最差，勉強叫唔算穿支持位，TA- macd 利好

檢討，買入148的timing 最差，用148的資金買內銀，並再等待機會換馬，效果會更好。
對於部份板塊變強太不留心，688,390,1766的升並不是偶然。理應更早部署。
由於內銀板塊變強，打算追入落後的3328。

如果明天773 keep住 炒上，我會更放心。

762 聯通洗得好白ar，好想買佢呢

明天和後天是關鍵日

預自己所料，今天的確跌，只係無預料到一跌就跌最多400多點。最慘係我昨天重倉hsi成份股的call輪，全部打回原形，昨天的升幅，今天跌番晒。幸好，我選的1088,388,1898,83 都守得住支持位，亦不是最低位收市。另一方面，2,3線股的跌幅並不是插水式，有承接力，以2128做例子，上次升到4元的反彈，只係一個交易日就隊番落去3.85元附近水平，今天3.99元有大量買盤頂住，至少守得住4元關口，令我覺得市底唔係咁弱。

現在，我比較看重的除了港匯的強弱， 還會著重細價股板塊有無洗倉的現象。至少，今天hsi大跌，細價股無咩大插，令我覺得反彈浪未玩完。之但係，如果明天全部股都穿支持位，就真係omg

加油! 頂住ar!!!!!

相信反彈浪已經開始

(28/5)昨天落大雨踢BALL ，充滿熱血的感覺，所以無時間打BLOG
而家趁公司無咩野做，就打下LA


對於前幾天開始入貨的我，終於守得雲開見月明，等到今天的爆升。
基本上，上升的格局係早上壓住HSI 成份股，先升部份2,3線股。3323,1171
189, 2128早市都係升好少1-2%，388,1898,753,887直情唔郁，但係1088已經成功彈上28元水平。
當我好愉快咁享受成果的時候，我才發現自己不成熟，理應把握好呢個時機去換貨。
我無在11時前將388小蝕沽出，並買入388 CALL輪，真係好失策。來回差價無左20% = ="
於是乎11時30分左右，我立即行動，補飛買進388 CALL 搏佢見番120元水平。而且立即搜尋有咩落後股份係有些值搏率高的CALL輪，最後選左1898CALL 和83CALL。
如果有多D CASH，我仲會買埋189，可惜我無，眼白睇住升左8%，早知買左189先再補買83CALL 啦。

收市的結果顯示，今天好牛，升得好勁的股票有好多。
其實昨天我已經認為反彈指日可待，3988由2.81元升返上2.93元的現象，代表左個市底係強左，港匯更加不停有熱錢流入，最強曾經去到兌換1 美元 = 7.7613 港元。加上前天昨天1088的券商唔肯開價或差價價開到勁闊。由於 等左大和好耐都唔肯開價，嬲嬲地，我索性轉買法巴算數。

檢討近日表現
1)最錯係賣了751的一部份和賣了67,1157
2)處理893止蝕上的步驟唔太好
3)22/5-25/5 買入了1555,3323,1898,1088,773，買入點的表現最好是3323
4)唔記得財險都係被沽得好慘，今日無去補CALL，失策
5)做左功課，上海電氣到左支持位，無去買入，今日一彈已經到了目標價的一半@@真係追都無謂。

展望
今天的升市我認為係過左少少火，相信明天會有一個回吐，但係我傾向去搏這是一個反彈市的開始，因為如果明天KEEP住升，真係追貨的決心會無咁大。而且以現價來講，我會用3988等內銀做指標，佢地未變弱之前，我真係想進取D。始終，唔係好多時候等到呢刻又周街平貨的時間，1088洗到28元以下，388 洗到110元以下，3988洗到2.8元的機會真係一年唔係好多次。

回到家，冷靜後，才發覺今天追入的call 輪的風險比想像中高。
因為今天好多股都升過龍，距離阻力位更近，可再升的升幅會咁大。
不過，圖表上，這支大陽燭意義重大，代表好友的力量抬頭，淡友認為進攻空間已經細左。
如果呢個反彈浪繼續咁急，升勢會在10-15天之間回吐; 如果升得慢，就可以升得耐d。
基本上，只要看住圖表咁止蝕，唔貪心，將升幅鎖定在15%-25%左右就會安心好多。

773 阻力位 8.15, 8.75, 9.5
148阻力位 22.5, 25
2128阻力位4.45, 4.85, 5, 5.25
1555阻力位2.28, 2.6, 2.95
1088阻力位31.5, 34,37
1898 阻力位7.7, 8.6, 10,10.5
83阻力位12.5,13,14
388 阻力位125,130,140

883 阻力位15.5

相處愈久，摩擦愈大?

今天是我老婆豬番新工的大日子。
可惜，她說工作性質似祕書，她似乎不太喜歡這份新工，而且因為另一份工給她2nd in，令她好煩惱。
事實上，我意見真的俾唔到太多，要in 另一份，自然要請假， 她已經為了大家樂放棄了大昌行的機會。我有點懷疑另一份(即使做到)係唔係都咁好做。我明白她的壓力源自於休息得太久，再唔近工就好像做懶蟲。不過，我並唔認為她係懶蟲，唔岩做的話，還是早走早著吧，無謂勉強自己。
我愈來愈認為，我們的關發展到另一階段了，可能她已經把我當成家人的一部份，所以她好多時都傾向發洩情緒在我身上。比著其他人對我發瀾渣，我睬佢都有味。但係，老婆豬對著我咁做的情況下，我總係特別唔開心。我會諗唔開心有好多發洩的方式，點解總係把我當氣袋。當然，我明白她係好遷就我的，勁唔舒服都陪我行西湖。或者她發得瀾渣，已經代表忍左好耐。
有時候，我真係唔明白佢諗咩................... 或者她願意在我面前表現真性情，我應該高興先岩掛。

洗倉

港匯依然係強，熱錢無走，但點解今日又會大跌?真奇怪!
 不幸地言中，自己做了燈神。
昨天有爆升的股票，今天都打回原形，而且出現新一輪洗倉潮。
強股:
電池only

洗倉股:
中視金橋 (00623.HK)
玉米產品(2088
稀土769
集裝箱 2866,316,1919
財險 2328
內險 1336
內體2331
煤炭 866,1733
香港地產 83,17
收租1972(終於肯跌了)
石油 1555
發電機2727
賭股(好現象，如果美高梅跌至10元以下，代表見底不遠)
內地百貨
珠寶887


沽壓持續:
內航753
維他 345
716(一瀉一無止景)
國藥1099(己洗到52週lowest)

短寫

見港匯咁強，今天操作是買入
1555, 1088,388, 2128
好搏，好進取。希望唔好燈la

熱炒板塊: 鐵路股 ，汽車，基建股，內房，重機械，奢侈品、管道，鐘錶珠寶，515燈具，電池 ，近乎全線升
沽壓板塊: 航空，電力設備

港匯強勢

今天公司好忙~
好少時間看市，只係能夠在臨收市前買入3323
買入的原因係大市超賣，內銀，籃籌股普遍都跌左20%，細價股洗得都好白下。
今天卻出現HSI 先跌後回升至持平，直覺這係壓住收貨的行為。
其次，港匯連續兩天變得更強了，由兌7.7700 變強 至7.7630-7.7650上下波動，令我對呢個反彈更有信心。始終熱錢係最好的升市動力。

今天HSI  升跌各半，細價股普遍有好表現，67升8%(做了燈神)
熱炒板塊: 鐵路股 ，基建股，管道，鐘錶珠寶(本身己經想買887，明天候位買入)一半電池，
沽壓板塊: 航空，汽車，建材，玻璃，電力設備
留意股份: 826, 2198, 189,623(特別留意), 1336(好似AIA走勢) ,2328,769

今次目標係短炒。

怪現象

星期五hsi再次洗倉由19200無水花直插18622點共600多點。
中午出現單日轉向，由18622升番上18951共反彈321點。
這個怪現象令我感到好困惑。
另外，1088 12連陰兼沽盤強勁﹐同時388有個小型反彈收復了早上的跌幅。
下午港匯也突然變強，表示有hot money急速流入香港。
這現象是否表示搏反彈的時機己經到了? 還是請君入洞的陷阱?
直覺上，我會較相信港匯，但係港匯係有少少滯後，所以明天密切監察股市的動向。

PT FROM CLC

 ‹tonychato› 國企指數 will test the bottom first since 941 & 5 & 700 are not its members

CLC SAYS
見底的證據包括有：
 1. 中型股整體跌勢喘定，無消息下突發身亡(通常由孖展斬倉觸發)的股票數目變為零。  148
2. 早前比較強的大型指數成份股回落，而其他大型股則開始回穩。
3. 市場對利淡的消息開始沒有太大的反應。
3. 市場對利淡的消息開始沒有太大的反應。
4. 熊證街貨的數量開始跟牛證相若，甚至比牛證更多。
5. 散戶的市場參與率跌到低位。
 6. 大宗商品走勢趨向平穩。
7. When we see no one in the chatroom, it shall be the bottom.
clcheung› but yesterday's rebound indicates a lot of small buyers are actively looking for rebound opportunies.

HOPE CLC DUN MIND ME TO MARK DOWN HIS POINTS LA
BECAUSE HIS PTS IS VERY VALUABLE ! 

學習日，太樂觀，預測出錯

15-5-2012的反彈引左好多人買入搏反彈。
結果係一天震了700多點，kill了19200牛牛重貨區。
自己更因此止蝕了893，迫住將388和1898當係換貨股。
anyway，咁處理的方式唔算好有問題。

處理得最差係751，沽正了最低點，今天卻反彈了10%，節能家電下鄉真的有那麼大威力嗎?如果明天真係能升至3.7元附近，我會即沽(大約-17，並換馬至 1898)

超眼訓~~
今天研究一樣野終極反彈後，通常依然強勢都係d beta低的股。以銀行股為首。但一些FA 差或普通，超級反彈後的半年內就現疲態，好快呈下跌軌。E.G 590
所以要搏終極反彈最好選BETA 高的股，之後再換入內銀作補一步增值。

研究細果係
反彈之選
石油股883,1555
航空股670, 1055
煤炭股1898,1171
資源股358,773
細價股189,67
內材股3323
珠寶股887,590
內房股3333,960,3383
機械股11157

高現金策略並分段買入各款股票

終於有藉口反彈

今天hsi 出現了我最喜歡的形態: 單日轉向
好多股都出現左報服式反彈，3323，1101,2883都係上下波幅超過5%。
哈，如果我唔係咁貪，set 買入價set得太低，test buy 都可以賺左二千大元了。

吹完，講番正題。
我見今天彈得咁靚仔，388,2883,1898都留下一條長長的影線，所以投入了cash 的45%去test buy 4隻股份:388,1898, 773和893。
388 係最傻仔的1 注，因為高追到116.4元(多左3元)。1898又係貪之過7.96元可以買，偏偏set低一格去買，最尾要高追8.06元1注。分析過773，7元以下的時間唔多，而且beta 勁，反彈快，搏反彈之選。893 就唔知買得岩唔岩，TA 上支持位可以更低1.25元附近，唯一反彈的因素係追反彈，因為由1.85元跌到1.3元之間，連一支陽燭都無。

388呢一注其實我想用來做倉底，更加係對沖番751蝕的部份。如果388由116元升到138元 (+18%)，剛好OFF SET 番3.88元買的751的LOSS。

反彈TARGET 
1898-8.7元附近 (0.7水位)(8-9%)
893-1.52元附(0.14水位)(10%)
773 - 8元至8.2元附近(1-1.2元水位)(14%)
哈哈，可能大貪左D，明天倒跌都有大機會。

 奇怪事
2883 10.68-10.76元水平，瑞信同時在買賣隻方向都SET左大量買盤，有種死托散貨之感。
1157單日反彈到0.6元至11.3元，力度之強，令人驚訝。


大市方向
大市的方向與我預期中有出入。
呢個反彈的力度算係幾強，但係再諗真D，呢一個究竟係反彈還是直通車怒升的開始!?
直通車呢單野，無論由春江鴨唔知先，如果早知，會否是推低個市來吸貨? 如果唔係，個市會點回應呢個CASH INFLOW的好消息？會否因為大戶開晒淡倉，所以無視呢個消息的影響？始終今天個市理應反抽上300點以上才是正常，亦唔見有逢股都升的現象。
暫時出現的指標未能令我放心入場加注。向上空間唔見多，向下的空間又較大。中價股就相對好少少，較殘。跌到超殘的細價股普遍都未出現利好TA的走勢。
明天的走勢會有指標性質。

我都認同達人兄1919係反彈之選
英皇鐘錶珠寶 (00887.HK) 接近3年的平均底部，考慮緊是否入貨
1555 M1 都好似吸引
可惜細價股未係氣候

曼城 好野!!!!!

曼聯近幾年的強勢，令部份好刻人憎的曼迷勁寸，今天曼聯輸左，真係大快人心。
例子，有些無口德的 曼迷抽利記水，話: 下年會係利記捧杯，個時先叫做接受唔到。
呢一刻我真係好嬲，因為呢D 人透過踩低人，去抬高自己。 如果曼聯攞到冠軍，我相信佢唔會咁講囉! 而且寸D咁反擊，第二又點丫，咪又係四大皆空，利記係第7，都叫有個杯仔，吹咩! 入到歐聯，下年咪又一樣輸番踢歐霸。
不過，我係唔會直接同人講呢番話，因為係好無品的表現，輸打贏要。 而且成王敗"扣"，輸就係輸，有咩好講。比人差就要認，打就要企定。

會反彈多少?

人民銀行宣佈調低rrr 0.5%，看來20000點可以在星期一失而復得。
又時候計值搏率。
上方阻力係20400 and 20100, 下方支持位係19400- 19000。
以過往支持位推論，hsi 跌到19400附近可以有個小形反彈，反彈幅度為20100附近。 如果有這個反彈，20000 就會成為好淡爭持的關鍵位，因為到了形態轉變的時間，可以是中形上升浪，也可以是中形下降浪。
其實這段時間係十分適合玩短炒的，因為超賣，反彈會夠勁，只要守止蝕原則，可以小注賺番2000-3000元幫補下，先準後狠再快係操作重心。切忌先快不準又不狠。

其實以圖表支持位去睇一部份中形股，價格已經變得吸引， 2727上海電氣的多年價格上方(不計extreme抽高)是3.8元-4元，價格下方為3.4元。長線投資可以不批吸入，但係如果是短炒，圖表的最佳支持位係3元-3.1元

對於今次跌市，我最留意一些保持強勢5個月都不倒的股票 如2333, 623,52,811
若果他們都跌，股市見底不遠矣。

心態學習題-FA , TA 和OT(二)

今天又有OT，哈
這個星期真係跌得好CRAZY，五天的跌市來得又急又快。
如果不貼市，或者警覺性低D 都會出事。
我老婆豬持有的1157 和1068 都跌得慘不忍睹。
ANYWAY，買得少，所以蝕得勁都無所謂啦。如果買左100萬，我真係會想JUMP FLOOR (JOKING)。

回顧呢一個星期，跌市的跌得好兇狠，好多板塊都被洗洗洗，創52週新低。我極少錢TEST BUY 的460,569,2088都跌到不似人形。這次試驗證明，細價股係不能用價值投資法，更徨論錯價法。當自己認為市場錯價，能買到好野，通常都係錯的，自己只係傻仔一名。財演所說的只是DISNEY 式的假象，說什麼前景美好，都是引你買貨賺佣的手段。概念化成事實的殅可能性只係萬份之一，所以以後出現什麼獨市，什麼XX計劃，XX百億生意，都係當聽下好了。一隻股升與跌，根本視乎股市氣氛，有無莊家炒起。基本因素，FA是是幫助你解決買入OT 股的可能性，或者令自己清楚同OT股只係拍散拖的關係。

本人目前正在學習莊家買賣炒起炒落的手法，和霾清各買賣章法的重點，自己如何才能有效執行。大市的炒作循環會係點? 大市升是否=細價股會升? 如果唔升，係代表市場或者莊家去到那一種階段。當3,4 線股怒炒起，自己要如何分享個升浪? 當人人集中看D 波幅大的股票時，係唔係市場已經有資金流入一D 無咩點升的股票上，自己要幾時部署套現其他股票投入呢類股票之中呢?正如5 , 941,700，這些好容易被遺忙的股票(因為郁得太少)，其實明知必升的賺它1X% 總比守住一D 你想佢升30%以上的股票來得容易。如果有一些垃圾股658開始出現劣勢，係唔係一種提醒? 知道呢個提醒後，操作手法如何保守D ?
以上種種的問題都係有助自己提升羸錢的機會。

買股票時，最近我構思到有一個重要的想法
"股票是一世的LIAR GAME，每次LIAR都要100% 放個心入去，否則會成為大戶的點心"
"輸錢絶對唔係運氣，幾時買同賣都係決定在自己手上，絶對係技術的表現"
"止蝕4次OR MORE，但一次WIN 的錢可能係輸的錢的30%以上或幾倍更多"
以 3988 為例(2011年-2012年)10萬元投入，4元買，3.9元止蝕($98750); 3.5元買，3.45元止蝕($97000); 3元買，2.92止蝕($94700);( 見底)2.5元(無操作，因為無支持位可計); 2.72元買，3.35全賣($11668)。結果係WIN $1668(16%)。
以上係我用過往圖表的支持位所構思的買賣方法，我還會去用HSI 指數成份股法嘗試預測這方法的可行性。
其實除左上述咁表面的想法，還有好多買股前的思想準備
如何去決定買入位，係根據FA(正當性的高低=有無玩財技)和TA(支持位)(阻力位)去訂。
當真係買入，就要事先想清楚升時你點做，跌時你要點做。
不是無限金錢下，你的資金分配係如何，集中選3-5 隻(分散買只係AVOID 停牌所引致CASH FLOW變0，並不是AVOID 跌的風險)，注碼要幾多才有效果，買得少的目的係咩? TEST BUY 後要如何加注? 如何處理兩注/三注的各自不同的風險(因為買入點不同)?注碼要落幾多才有效率(贏的股就買得少，蝕的股卻買得多)?

為撈底做功課

我十分關注 關二哥再次增持838和1011的舉動
對於如何撈底呢個學問，我真係無咩經驗，尤其是細價股更加係無咩特別可靠的買入點信號。較可信的只係支持位買入法，但係我發覺呢個方法只能成功用於1011身上，對於長期訖於跌浪的838係唔work。因此，我決定唔跟買838，1011在1元以下才會考慮。

我始終認為細價股只係一個音樂椅遊戲，好玩，回報高，風險更高，因為與你玩的大戶係事先知道幾時音樂會停，以67為例，完全無轉身位可言，單日無左40%。任何1月買而無放貨的人，都係無錢賺，到目前仲要蝕突。我都有炒了3轉 67，由於本人對大陰燭好敏感，認為大陰燭係初步轉方向的先兆，如果有第二支陰燭在相約的價位區域出現，更加覺得事有可疑。由於67正正係咁，我止賺離場，好好彩躲過一劫。雖然好彩，但係再次話給自己聽，一天未沽一天利潤都未落袋。更加重要是不宜寄情細價股，升得急又高時，分手係一個好選擇，摸唔到頂係好正常的事。

 今天思前想後，終於做了唔知算唔傻的事，斬了蝕近15%多的769，和966。明天可能斬一半751，直至10天線升穿20天線才考慮重新買入。始終唔知一直咁跌，會跌到幾痛。

市況回顧
今天比較令我在意的是下午有買盤湧現，773由7.2元回補到無咩點跌過7.67元，不過呢隻股成交比較稀疏，空格無賣盤的情況都好多，要刻意抽升做圖表係相對容易。

另一隻令我關注的就係2128，單天唔見了10% ，自4月高位唔見了近40%。這現象令我諗緊究竟5 月會唔會出現板塊輪流洗

cash水平提升至60%，或許會再升到70%

買賣心態記錄

自從星期一開始跌500點，我每天都進行減持。
以星期一斬716，1072斬得最果斷。
今天就斬了1898，893，部份769。
回想過去的思考方式，最大問題係751與769。
首先751買入時的心態係認為cup sir 之選，必升，無諗過自己剛剛放了另一隻LCD MON股 ，理應唔好買番同類股。偏偏因為貪心，放左DOUBLE的錢去買751，而且無視圖表的惡劣走勢。圖表係會說話，高追唔止蝕，而且又唔熟751的過往特性走法。最後結果可能係，751　KEEP 住跌可能要9個月或1年後才有機返家鄉。此刻，差唔多跌到支持位，放又唔係，唔放又唔係，真係自作自受。這個教訓，我會好好記住。
另一隻，係769或者893，769無好好咁記進買入價，當某一部份曾經蟹過的股，應該要在平手少賺下套現，其中最大的原因係買入點不佳，未買先輸一半。錯過了4月尾5月頭的套現良機，等於現在的損失。做人真係唔好太大想頭，以為4月尾5月頭係升浪前的序幕。下次，牛皮的時候，都係睇定才出手，而且記緊大戶後抽的假局。893，本身可以走一半貨，可惜最尾要全部止蝕，肉痛到呢。
個教訓係對於止蝕的重點，首先決定於買入點上，買入點不好，就會給自己捱下價就會升番的藉口。

回想自己曾經話要死持716，點知決定得最果斷的就係716，始終平時留意得呢隻股多，知道有咩風吹草動，716一定跌得好急，而且7/5那一天的急跌，已經破破壞晒上升形態，短期好難升得番上去。以前中過一次招，令次我知道716係點玩的。
716的另一個啟發係逢係無咩消息股價升得好細水長流，絶對係人為，愈係升得明顯， 愈係專登引人入局。尤其係一D 曾經升左好多，已經回吐左20%以上，並嘗試第二次向上次阻力位突破的股票最容易出事。因為好多時人的心態會諗，"似乎隻股的回吐完結了，有動力升返，睇下，升下升下，已經到阻力位，好快會創新高呢!到左XX元，我就賺到笑了...."而且只要連短炒的人都去買呢隻股，自己就要小心。因此，我應該多用短炒的心態去思考，究竟作為短炒的自己會在邊個位下車呢。3323 和2883 係我炒作成功的例子，現在回頭看，連少短炒的我都走去玩，呢隻股真係凶多吉少。凡是有得炒作的，都唔會係可以KEEP 得耐的股。等於我唔會炒作2823,5或者大家樂一樣。


5月進一步展望
HSI 要KEEP住跌，700,941,5必然係狙擊對象，所以用了3000大元買入700沽輪。想試下感受，做淡家的心態係如何。選擇700沽輪的原因係700跌穿20天平均線係利淡現象的開始，而且過往225元做過三頂，如果唔計那短暫的225-240元PEAK RANGE ，190-208元才會係買入的支持位，其中以208元左右最有條件反彈，因此過往回吐的百份比都係15%左右，而且貼近50天線的下方。

當跌完就會開始升，但呢個升會係點，好視乎今次跌得有多深。
其實大部份細價股已經打回原形好耐， 有些甚至跌突。
HSI 跌幾多反映左大戶想向那方向炒的結果。如果跌得愈深，代表大戶好唔夠貨，相反。跌到窒窒下，我會假設大戶仲有貨在手，想抽高散貨。
同一個道理，升得愈快愈順，代表大戶好多貨在手，等住貪心的散戶去買。

有危就有機
吸納對象，首選係地產霸權的SINO GROUP 新鴻基等。呢D 通常最尾果批跌。
其次係周期性股份，石油，內銀，內房，AIRLINE ，航運
最重要，一個完整的升市係所有股票都有份，換言之，當D 大隻股未創過新高，不況買少少，等佢地升到好唔合理的時候，就差不多畏收割，並等待下次谷底的開始。

補充，由於700和941仲係好高位，我相信超大跌未免咁快發生。始終要由240元跌返去150元左右，係要好耐時間，而且而家咁好價，托住散貨都幾好丫。

耐性地等

今天公司無聊加班，可以有OT 時間下打下BLOG ^^"

事實上，我好同意CUP SIR講法，炒賣係一件長期的事，必須有個系統或持之以恆的方法先得，否則會好容易輸一次的錢等於贏幾次的錢。

我覺得預測唔準係必然的事，當股票走勢與自己預測唔一樣時，就好應該跟隨自己訂立的程序去做。若果做左，效果唔好，而且連續都係效果唔好，就要諗一諗自己的買入點與相繼做法是否有問題。
至少，我認為第一個關鍵係買入點，因為買入點決定了一次買賣的有利潤的機會，通常買入分三種情況(IN MY VIEW)，1)高追( 包括突破高追)，2)候低買入(包括回吐後買入)，3)無浪幅買入。

以我自己的買賣經驗來說，
1)高追，是我中招次數最多的方法，通常都會摸頂做蟹，這種買賣方式並非我的強項，而且我會覺得這玩法是做中間抽一抽水的角色，轉身要夠快，要有良好紀律; 不過，一旦搏中，就有可觀利潤的買入方法，不計大戶假突破的騙局，能強力升破阻力位，就會變左無頂的浪，可以有高達50%-1倍的升幅。當然，事實上市場係唔應該有太多股票能以FA作出突破，多數情況係大戶炒起所做成又快又吸引的傳火炬遊戲。例子有1555和 658

2)候低買入，係我獲利較多的方法，而且符合股票賺錢必然的定律，"低買高賣"。這方法用於玩較大型成交高的股票有較高的成功率，至少MARK 價都會有一個限度，不會MARK 低得太離普，更比較少FA 上出現的問題。E.G 係會計師唔簽REPORT。但係呢個方法要有耐性，唔可以太貪，要準確咁找出支持位並等待。這方法最大的風險係不能找出支持位或者1注獨WIN的買法，(1288 $3.3買入價竟然唔係最低)。而且十分唔適合果D-->曾經升左好多，並回吐的股票。因為回吐浪係可以長到你唔信。

3)這個方法係單以FA 出發，等待TA 的協助，而事實上不升不跌的股票係反映了股票欠吸引力，買入方DEMAND不足，並係太好的投資選擇。

5月預期
港匯已弱，自己已經按律則儘量減持。短炒部隊必須有足夠戰鬥力等待下一輪攻勢。
歐洲危機似乎有些變壞的可能，因為新人事新作風。
資金的流走絶對係反映SMART MONEY 投下的不信任票。

我估計會出現一個反彈浪，引人入局後，才係投入部隊的機會。
而且現在市場的玩法，炒作不需理由，只需要知道D錢幾時入，就係入市的時機。
至於選什麼股，只需選D 大路的就已經有可觀回報。捕捉細價股的技巧則要高好多，資金充裕的人才能較有效去等待細價股的井噴。

經驗不足

星期日，我預測個市係等待怒升，今天的結果係掉調轉，hsi 勁插500多點。
身在廣州的我，立即在中午收市前大手賣出無咩點賺同蝕的股票。
雖然我估計明天會有反彈，但係對於失驚無神咁唔見500點，令我思索大戶是否做了hsi 淡倉。對於看重圖表的我(因為短線)，搏唔到反彈，止蝕係一個明智的選擇。
今天岭立不倒的 941，可能成為大戶明天沽空的重點﹐只要941質番落去75元左右，己經可以令hsi 唔見了一部份。
明天賣埋隻1898
儲足彈藥 買3元以下的3988
等到合適價才出手

等待收割

市況怪怪的
恆指稍強，但好多細價股都被質，並非全部齊齊升
恆指只有914和內銀頂住，其餘的都回到1月頭的低位。而且728和762都弱，是否大戶壓住吸貨的做法!?
以過往的感覺/經驗，市況好悶，沽唔落去，係升市前的煙幕
而且716的強勢，1068與$10.5-9.5震盪來得不尋常

搏大茶飯的反彈股有515,2128,398
不過，現在無錢買，到有的時候，應該個市應該升得差唔多

3233 和 2883回吐，希望回到目標價附近la
3233: $9.2以下
2883:$11.4 以下

293 現價吸引，如果大市爆升，追落後之選。

另外，如果搏反彈，首先留意內地航空股

希望11/5 果日 728, 388,1989可以到我目標價啦

四月回顧

踏入5月，係新的開始，亦係回顧4 月的時間。

4月操作的重點係"唔貪"和"買入跌至支持位的大型股"

 captial yield 係20%左右，組合蝕6-8%，主要蝕係來自751創維數碼(無看清圖表﹐跟cupsir買，教訓係任何人都不是神，任何人買之前都估估下）, 769中國稀土(高追)和

東方電氣 （錯在無分注，否則己經打了個和）

1)沽出716套出資金，作短線投資，雖然今天716去到$2.4，即係我之前的賣出價不佳。但係，調轉來看，如果716死氣沉沉，短炒的利潤也沒有了。所以我認為自己做得正確。

2)3233走了一轉 12%，2883走了一轉10%,809走了一轉5%。基本上滿意自己的操作。如果要改善的話，就係當股價去到合理偏低的時候，應放胆去買進。例如，當沽出3233的時候，應買入$3.3的1288，這情況下可以走一轉8%內銀(我會$3.5x賣)。

3)沽出的妖股1380，損失50%，雖然係小注，但教訓深刻，令我明白股票係絶對的demand oriented。細價股不出名，再好的fa 都無用，吸引唔到一些大路的demand，即使價格再唔合理，亦唔會出現調整，除非莊家有心炒起。
自此，對d細價股好有介心，好怕嬴幾轉都唔夠輸一轉。

5月期望

1)除了716和1380唔放之外，其他蝕緊的股票到價會平手，寧願多現金，等待黃金時刻。做一隻苦視担担的狼，總比做亂咬的lion好。好好咁走幾轉10%，會比死牛長線來得有效率。

2) 絶對相信港匯強弱，唔對路，短線即走

3) 等待內銀再積弱，買入，首選3988

4)密切關注國指和恆生成份股，留意個別走勢及支持位套利。

5)唔貪為大原則。

6)當天大升，儘可能不作追入動作。

7)抗拒買入疑似見底的洗白白股，百忍成金，e.g189, 六福，達進

8)對老婆豬與媽媽好d，錢並唔係一切，愛情親情才是人生最重要的東西

9)找一份新工

最近操作
買入388，728，904，1898
 388,728和1898係支持位(希望無看錯la)
904(上升浪的10天線)
都係果句，唔貪，每月讓我走2-3轉，我就好滿足。

同意和欣賞恋超的想法

由於太有投資心理上的參考價值，所以近乎全quote 恋超的blog。
要學習的周期性和可能變化太多了，真係要多做功課。

quoted from ,
http://blog.sina.com.cn/s/blog_6757c6d50102e7f7.html

週末整理及交易回顧

(2012-04-21 13:05:53)

四月份來，個 人交易不算頻繁，富士康跌穿了5.1的既定清倉位后離場，該戰又輸。很不情願的清掉了利郎，換入了中國平安，雖該股業績理想，但是以今時今日，唯有息率在 吸引，其他的方面并不是十分理想。對於民企有懷疑，寧願換股，不排除會沽錯，但是寧願沽錯也不能持有一個讓自己相當心煩的頭寸。650萬中短炒倉至今和大 市基本同步，相差不大，依然處於虧損的狀態之中，恒生指數2萬點時候盤中一度跌穿600萬的資產淨值，有陷入一個難於處理的短期局面，但所幸心裡素質未算 太差頂得過去，目前正在緩慢的回升，後面尚沒有任何大手筆的交易思路，目前的銜生工具方面，持有和黃CALL,相當於10萬股左右的正股，博落後轉勢，持 有江銅CALL,相當於4萬股左右的正股，博銅價見底。兩者都是距離近期底部不遠，止蝕位明確，由於股票暫時的走勢尚不太明朗，隨時都有沽出的準備，以正 股的打法，投入資金相當於要130萬左右，因此改用蝸輪打法，以來維持倉位的現金持有量，保持對於大市升跌的平靜心態，二來讓自己有靈活走位的前提性，由 於蝸輪存在的時間損耗值而讓自己多一個沽貨的誘因，三來免卻短炒時由於繁重的手續費而造成不願沽出，影響原則。中移動CALL在昨天已經平倉，獲利雖不 大，但是買入時候勝在贏面較大，贏面較大的交易回報率就沒有辦法斤斤計較，就好像買馬一樣，正常賠率和贏面通常沒有辦法可以出現一種合理和公平。短炒交易 的回報是由無數次的小利堆積，本月的平安CALL和中移動CALL雖沒轟轟烈烈也為組合帶來了1%的回報，不過不失。之後會維持一部份的這種打法。

廢除一路找尋 民企恒安和QQ的所謂十倍股想法，如有料者，一年找到一倍股已經足夠，何必憧憬十年十倍股？今時不同往日，恒安年代，企業家的精神和企業家所受的思想教育 和所處年代怎麼和現在相比，現在的企業家，100個有錢101個想移民國外，連自己的國家都不想待，更遑論為小股東創造數十倍的合理回報呢？

http://blog.sina.com.cn/s/blog_6757c6d50102e7b9.html

談對沖

(2012-04-19 19:04:00)

年初時候，二 三四線股飆升，但指數不是很郁，或者並不是指數不郁，而是投資者覺得太慢。因此，全民尋寶，越是莊家股越多人買，市場人士說，很多基金由於追不上大盤，因 此大幅掃入式的買入很多細價股，越舊越好，而沽大盤對沖。這個策略在指數升到了21500點的時候，細價股神話結束，細價股在21500點開始派貨，而大 盤也由21500點跌到20000點。如果是大戶在21500點開始逐漸平倉所有的細價股，然後在大盤跌到20000點的時候平指數PUT,整個轉折，整 個對沖過程，在4月初結束。而在3月中，另一組投資者也開始進行了同樣的策略，策略依然是買入細價股，然後PUT指數，只不過，這一次的對沖是被動對沖， 因為手中的細價股已經是蟹左系度，看到大盤淒風慘雨，欲升無力，那麼順手加入指數PUT對沖，結果是2萬點的時候，細價股跌得更重要，一不做二不休，加注 PUT大市，這個時候的演变是，大盤強勁反彈，而細價股加速下跌。而這一個對沖，變成了雙輸。對沖，真的是那麼容易嗎？而目前，怎麼處理？

以上的故事整理后是這樣

1}3月中之前，買入細價股，沽指數.結果細價股上升，平倉，指數上升，加PUT,指數跌到20000點平淡倉，雙贏，處理完畢。

2)3月中之後，買入細價股，沽指數,結果細價股下跌，持有，指數下跌，加PUT,指數跌到20000點反彈，雙輸，點處理？

一個月前，個 人指出，由高位下跌50%的股票將會比比皆是，而上升50%的股票卻是鳳毛麟角，一個月后的今天，值得回顧。那一年，我們一起買過的那些股票，為何花沒 了，草一大堆。同樣是對沖，別人的對沖是那麼的成功，我們的對沖卻是那麼的痛苦，同樣是長線投資，為何動向一直新低，而恒安一直新高，為何又為何？

過去的經已過去，一切輸贏在目前的成交已經可以看出，整個市場，蟹左的蟹左，輸左的輸左，沒信心的沒信心，那麼在今年后的日子，在港股的今天，一個獨立投資者如何自居

突如其來的沖擊

打打下blog，女友wtsapps 對我說淡了，有分手的打算。
對我太突然了，立即怒哭了出來。
什麼投資策略也變得無咁重要，於是，呢個星期我認為我能力範圍內去挽救這段感情。
或許有做岩，也有做錯，但是都係我的點點滴滴，學會了，成長了。
三個女人一個虛，我認為男嘉賓willie好有point ，說出男女有個拉剧的關係，未必係一件壞事，至少證明有respect 的存在; 女人係唔會降低自己的要求，寧願單身都好。真有趣。
反而我認為果五個女仔好慘，她們已經成為全香港人茶餘飯後的話題。被tvb利用的工具。

說回財經。
我最近發現關二哥的投資方式較適合我，其宗旨係保本下出撃，只要出撃位好，就好少會有大傷的可能性。

暫時回顧:
沽出2722, 809, 買入落後的1898
4月表現良好
對於5月保持審慎

朋友山地說得說，所有賺的都係ｅｘｔｒａ，　賺多 是運氣，但我寧願賺少一般的預期。

上海回來

由於9/4出發去上海杭州旅行，所以於5/4就將帳面獲利12%的3323止賺。還大幅減持716至好少量，同時買入了2722,809,966和893 。

玩了1 星期回來，市況好似企穩了。
2722,809 都有帳面獲利7%以上，966走勢唔好止賺1%。893 尚待觀察。
另外，港匯走強，令我對後市樂觀點。
於是，今天思考的

三月回顧

數字反映真實
1/3/2012 asset yield係31%, 今天1/4/2012asset yield係 19%
其中做錯左的日子係13/3，套現了現金，卻因一時貪念，再全部投入市場。結果被殺到一頸血= =
本身已經10/3 的時間feel 到唔對路，最終還是逃不過一劫。我相信如果堅決唔在3月中重投市場，asset yield 可以保住25%




今次，學會了幾樣要點。

1. 高追，必追止蝕，如果唔係第一浪 (515 達進東方照明) 或者係以超大陽燭出現- 中國三江化工 (02198.HK) ，止蝕點必須訂在5-7%。
2.  香港市場和從前有點變化，OT股多了太多，泡沫吹得快，穿得仲快。即使係大型股1288 ,1299 ，都會被大戶MARK 個大裂口低開，由月頭沽到去月底。因此，買賣策略上，到明顯阻力位止賺係聰明的做法，持CASH 等待下一次低谷。升了2 個月的股，用了2-3星期可以 打回原形。

若果根據安德烈．科斯托蘭尼的做法，其間會錯失好多機會。況且現在好難用FA評估一間發展企業，假數太多。而且用股價折讓方式找股，介入點十分依靠TA的協助。
以17新世界發展為例子，由16元直插到6元才止蝕，曆時1年半，再用2個月時間爆上最高10.5元。幸過地，我都叫坐過順風車，6.8元買，9.1元放，即使賺唔儘，但己經有32%利潤。以FA做分析存在太多陷阱，尤其不合理的折讓，令人好不放心。以PE去計67，必定係筍股，偏偏太筍的股，特別易容受大戶追擊。

相反PE好高的SMARTONE和瑞聲科技，好受長線買家歡迎。 跌完好快會上番。

４月策略

全沽出716，看準時機買入周期股3333,960, 1288, 1157，價近買小注，再跌買多幾注。

等d民企洗到白一白，那時買入搏d人唔得

515仲未夠白

進攻

人最大的敵人就是貪心。
買時要最低，賣時要最高。
其實，這是不可能的事。
以1157作例子，由於對1157觀察的日子最久，最熟悉它上落的的慣性與關鍵的支持位。
連續兩支陰燭都留下長長的影線，反彈在即，而自己卻貪心，想落到去9.2元水平才買。
結果今天己升上10.66，錯失了短炒良機。
根據1157的習性，明天好大機會出現陽燭，並上望 至11.2。如果明天無大升或大跌，反而不尋常。

716升了10%，昨天忘記買入，真蝕張!
我相信炒業績炒三天應該會完!
同埋，716業績唔靚仔LAW!到關鍵位沽清貨!

今天，腦充血咁買入3323, 769,751
其中以3323,751有利潤的機會最高
769以炒業績為目標! 不過，他圖表上的TA唔算靚

希望唔會中伏LA

打回原形

12月尾1 月頭建議同事買入1288/1398
內銀股價於2月尾見頂，到今天的3月尾，內銀已經打回原形。
由此看得出，股票必須長中有短。
有耐性地等待周期。
而且必須走在普遍人的預期之前行動，亦即是人人等內銀出業績，其實內銀在2月頭己經炒完，接貨的都是等業績的人。當然長線長hold無咩問題，但眼白白見股價唔見20%，絶對係一件投資失當的表現。
況且價格話比你知春江鴨點預期該業績。
如果係好野，事前係唔會點跌的。但係如果未出業績都keep住跌，證明有smart money走左了
因此若果想炒業績，股價已爆上，就無謂追了。
最想知330呢個升浪能堅持多久! 其實好想put 330呢!


明天716公佈業績
究竟是好是壞呢?

另外，769係唔係妖股?

忍耐

今天809 大成生物 急瀉最多30%，收市回順至-17%
果一刻，有衝動投機買進。最後理智告訴我港匯未轉強，要眼看手勿動。
其次，見1380似有跌停的現象，想買貨，同一樣我都無咁做。
現在我可動用的20%cash，要看到好準才介入，不能浪費子彈 。
況且內銀仲未有好明顯的震倉。
 對於but sir及 cup sir說的大成交破位，我認為只適合平時成交不能太少的股票 。
反而平時成交少的股票，出現價量齊升，好可能係假突破。

今次回吐浪，我又學識多一樣野 。
股票第一次升浪時，初時會有假回吐(1899,658)，其後有無厘頭怒升。到30-50%左右要止賺鎖定利潤。
所得現金最好不要作長期投入，只能用作短炒。
而且不要將目標價訂得太高，反而將之前小圓頂的頂視為走貨指標

另外，愈是造馬的10幾連陰，之後反彈抽升就愈 (1072,8,773)
幾步到位的人為大跌，反彈的抽升更是急和短暫

介入點在那?

回想1月至3月的流程
1月雞犬皆升
2月個別板塊炒作
3月頭好淡爭持
其中有一些明顯的指標
內銀轉弱
部份領頭強板塊沒有追捧的現象
 941開turbo三天升8元
部份無FA，只有TA板塊(妖股 2208,773)最先出現橫行並其後向下跌。表示早有資金炒完。
港匯轉弱<<自己不信，無走人，真死春春春

TA指標
所謂量價 齊升，是一樣雙面刃
成交放量，代表潛在買力急速釋放，資金會係短線。來得快，去得快。追入要小心。

其次，必須留意第一次出現震貨的現象，先來一次狼來了。通常第二次或者第三次才係真散水。
阻力位太耐唔破，當一破，好快被壓番轉頭，(2722)係一個十分利淡的現象。

波幅大的股大上落唔好怕，反而怕佢唔郁，就表示可能見頂。
急升超過8-10%，待回吐後補入，會有兩個可能性。1) KEEP 住怒升 2)捉蟲，食正浪頂。因此，追貨的重點係究竟呢一次係第幾浪，第1次升浪，可以等佢回吐買1注。

另外，部份股可以看往績圖，有些股首次穿10天線係超利淡(515)，有些穿10天(1938)就係回吐。

假如出現了一次勁大陰燭(67)，就要留意強勢將會有可能在回升後結束。

橫行長時期急升散水法(2314,2689)

自我矛盾及貪心的結果

在9/3，決定了減持策略，套現至40%cash。
在 13/3及14/3 ，糊里糊塗又買進了超多股，令現金水平急降至5%cash。
結果，15/3開始的沽售潮，令我損失慘重。
 連跌3天後，大部份持股都有 10%以上的虧損。
在咁超賣的情況下，斬倉係好唔明智，而且我堅信中期 走勢係向好。
既然唔錯都錯了，唯有如何控制損失和風險。

另外TA 上又學到野

我見1072,1380 MACD 和STC都出現買入訊號，如圖：

結果兩個都係假訊號，仲等我沖左入去。交學費是也。

燈神

由於stc 紅線升穿綠線，短線買入
1380
1072
3800
根據cup sir 建議，試買
751

最後全紅收場!@@
新規則：　以後不要在最假時段買貨

一週回顧

6/3
當天的急跌令我的組合重創，單日就蒸發左我組合5%，果一天真係心都酸埋。
同時，我就不停諗究竟個市係唔係轉勢，這種急挫至少證明個市的暗湧增加了。
不過，我不急於當天沽出股票，因為經驗話我知通常會有一個後抽，而且當天的跌幅也太過份。
反而，小注買67搏短線反彈。
7/3
小注咁買了1157,716搏短線反彈。

8/3
1157反彈3.x%，小利沽出，賺番一個tea。
當天好多股都反彈淩厲，果然 小注搏反彈係一個唔錯的玩意。
由於我在6/3 不停翻查股票的圖表，發現自己買股票好不專業，好幾隻持有的股票的TA其實已經轉壞，(MACD 及STC 日線都轉壞)，但係自己卻唔發覺。
其實任何再好的股都會有回吐的時間，更有TA 轉壞的現象。適時在TA轉壞時減持，再在低位買番，將會係我未來的重心策略。

9/3
大市繼續反彈， 由於風險增加，執行了減持的策略，將現金水平增加至35%。
本身目標係想減持到45-50%，根據講古交易員的說法，買股或賣股最好都係分幾注同分開日子，利用平均價去賣就係最好的。所以，我想等多一兩天，靜待更好的價位才進行買賣。

檢討事項:
1)選股票FA 係基本，重點在於分辨市場其看法(PE)，盈利能力及周期性。
2)其次就在TA，亦即係進入點和退出點。
3)由於TA的週線月線的方向反映了市場中長期的方向，所以週線月線的買入點必須在低點，否則在錯失最好時機的時候才入場，有很大機會在轉大方向的時候，利潤不保。
4)日線TA 代表短期市場的炒作反應，極愛人為操控，如果能夠在STC %K及%D低於30下，而 %K由下向上升穿30，並升至70-80就可以沽出。
相反:  STC %K及%D高於70，就要開始保持驚剔，並留意MACD 有無出現背馳。一旦%K於70以跌穿%D，就要找位減持

MACD 兩種情況:
1)現價和MACD 背馳，MACD 先跌穿EMA，現價唔跟跌，保持升勢。
*此種背馳在細成交股，可以持續超過3個月以上，所以使用此指標有可能會出錯。
2)現價帶動MACD ，同步並行。

由於週線月線與日線所顯示的方向間歇性會有相反，週線顯示升，日線顯示跌，
那時候可以適當地做反向操作。

矛盾-觀察日

港匯繼續弱，難道大市趨勢還會淡下去?

今天有點後悔追入1157，本身目的係搏反彈，但今晚看圖表並分析後，對於1157的反彈只係5050，這種一半一半機會的投機，下次要戒掉。

檢討題目：
如何改善買貨方式
假設股價保持一般良好升勢，一直超買，必須有大回吐的準備。
在週線及macd線無破壞情況下加貨

超重創- 正是學習時

在投資道路遇到挫折係必然的事，最重要知道目前自己的心態，策略，注碼控制有什麼出現左。

1) 分散買多種股票係不能分散風險，大空倉跌市，5%的跌幅係走不了，beta高的股可以有10%。不過，分散買多種股票能保證你的組合在升市享受到升市的喜悅

2)必須堅持港匯轉弱就沽貨的原則，上星期五見港匯開始轉弱，加上大部份持股都無升幅下，就好應該提高風險意識。

3)如果連續多次買入，股票回吐，或者無明顯的利潤，就必須警剔(指的係升市已經超過2個月的情況)

4)升市 好少持續超過3個月，大回吐除時出現，看港匯做人，能持盈保tai。

5)市場不再一面倒全部股份上升，只係輪流炒個別板塊，。加上，領先股帶頭轉弱，缺乏愈升愈有的霸氣。領先股example: 石油，內銀，太陽能，內保。

6)內保開始跟內銀升，但跟下跟下的時候，內銀升內保唔跟，甚至係內保出現拉升大突破，就好應該要小心。因為拉升不應該出現在內保這範圍。

7)在升市初時應以小注試買方法下注，有10%利潤時再加1注，其後再追貨，第1次回吐時放心加最後1注。而最後1注持股時門為必須為最少要15天，利潤介乎20-40%之間，就收割，因為係要回龍的資金。

明天市況十分重要:
如果係大陰燭，再補1小注。沽出1068加現金。
如果反彈，減持貨增加現金。
內銀到50天線，增持!
用20天50天日線決朥負吧!
 必須相信自己 的眼光!
記住，此刻係炒，不持貨太久。

大跌300多點

最近的市況己由一帆風順變為拉据，倉位的價值不再出現奇蹟般的升勢。
可見，單邊升市的美好時光係好短暫，把握到的時就好應該訓身去搏。

踏入的2月的業績期，股票的FA真身就要現形，業績的好壞固然是重點，同時市場如何去評估可能會更重要。330和1211一直係我有留意的股份，兩者長期被人做淡。當咁淡的股票都可以斧底翻身，突破關鍵位10-12元，證明SMART MONEY 己進入並正在好好咁炒作。我估計呢兩隻股至少還可炒4個月至半年。另外一個例子，電訊盈科NO.8，由11月跌到1月，當1月頭hsi轉勢，佢仲出現13連陰，終後過後出現報股性的一個半月抽升期，形成一個大倒V，返回$3所以放時間去留意弱勢板塊再配合大市的走勢，係可以有利可圖。

講番自己
我已經連續多天都無做換馬行動，想看下靜待的結果。
結果係，倉位在大升時唔太郁，到大跌都唔太郁。 
或者這反映了我選的股處在整固期，或者係夠防守性。

趁這段時間，我想放D時間去發掘有質素的股票，有質素的意思係PE 5-7倍以下， 有3%以上的息率，絶對會盈喜或發左盈喜。
暫時觀察所得：
515( 未打呢篇文章之前，ＣＵＰ　ＳＩＲ就發現到，他真係好犀利）
769 (呢隻要再研究)
1091
2088

189
67

716

1813
2618
951
350(未知息率)
3918
591

新習得心法：
 1)如果你當現在１００％現金，你的持股比例會唔會同現在的持股比例唔同呢？
 2)儲貨要分3注以上，並最好不要於太近交易日去完成。
 3)如果有3注，現價入1注，大陽燭／下一個支持位後入1注，最後1注要靚價才入，不要心急。

新構思：
待716業績後減持至總組合的20%。
並不是不看好716的前景，只係押注太重在隻周期股上，一旦大轉向出現就會損失慘重，而且市面上還有好多替代品。

不夠堅持~

今個星期係比較淡靜的一個星期，整體回報沒有什麼增長。
自己做換馬的動作卻是愈做愈錯，由於太心急，想幾天間就有超過10%回報。
因此，這星期作出了反思，從長線方向出發，找週線及月線己確認發出買入的股票。
另外，自己更豬的係無買輪或動物證於有信心的股份。
目前，最大的concern 係內銀究竟出盈喜的話，會唔會爆上，或者是好消息出貨。另外，現價的1288或939算唔算貴呢? 用什麼做槓桿會效果好d?

反應太過敏捷

FROM: YFCHAN
「身為一個較為偏向投機的投資者, 我對技術走勢的重視無可置疑, 但在這個時候, 我想強調的是, 我們不應該過分重視短期的技術走勢, 應該把個股的基本因素, 尤其是估值, 放在首要的考慮, 只有這樣, 我們才可以在做買賣決定時, 有一個較為客觀的標準, 從而減少錯誤判斷走勢的機會. 牛市初期的個股走勢經常出現假突破, 反應太過敏捷往往適得其反. 如我早前指出的, 在目前, 只是將過分低殘的股票估值調回到正常, 已經足以帶來一個巨大的升幅, 只要股票的上升空間明顯多於下跌, 配合較為粗略的技術走勢考慮, 我們不應該害怕較為長期地持有一些股份, 也不應該太過小心對於幾個百分比的利潤就心滿意足.」

最近咁燈的原因係 反應太過敏捷，墮入假突破的陷阱。

思索~

今天公司好得閒，有時間昅住收市前的飛沙走石。
由於怕903出盈警，可能跟1068一樣打回原形，所以沽清。將所得的現金加1小注716。
今天市況偏軟，有好多獲利回吐盤，所以普遍股票都下跌。其中以868最燈 (-4.32%)，令我輕微 有損失(-1.42%)，早知買3933搏落後好過，哈哈(無聊的馬後炮)
 至於我的重磅股1068和716就個別發展。1068開市曾被mark 高至11.6，收市倒跌至11.08，最低曾見10.98。於11.2-11期間好淡互相火拼，什為精彩。個人認為支持位由裂口位的10.9進逼到11.1係一件好事，顯示有資金支持。716一樣高開，但係好一點表現平收。於$2.95水平有大量護盤，不過2.3以上的沽壓都唔少。好壞參半，至少比無承接力好呢。

市後感:
看了terence lam的blog，他說:
「因为本身就已经是确认牛市,亦明知就算有调整,幅度未必会太深,既然大市掉头回升破顶,只能先假设真正的调整未到,我个人的活生生经验告诉我,如果遇到此情况再迟疑,日后损失定必更大,因为需要在更高的价格买入............跌穿大位就真系要"信左先".」
 我係十分同意terence 的想法，因為咁強的突破反映了市況係有好強的動力，而且所有股都呈現浪高於浪的現象。大家一直擔心的就係歐債危機可能會惡化，但係如果當大家都知道歐債一定解決到的話，市況毫無憂慮下，你會認為恆指仲會在21000點，資金唔追捧股至overvalue 才出奇呢。正因為有歐債才會有咁平的價格給大家去掃貨。當然，人人都想cap盡個回吐波幅，但係要做得到，必須對該股的特性有長期的理解及觀察才得。正如1157，我成功做了兩次微操作，每次獲利6%，亦都係因為長時間有留意其股價的相對支持位及阻力位在那裡，才能進行微操作。說回正題，我一樣會選擇信左先。最多係做止蝕管理去減少損失。

明天策略上
沽少少1068，再買716多一點至40-45%倉位。
如果17有回吐，我會作為第一吸納對象，另外更會提神這可能係回吐的兆頭。

上大人講野 = 勁升

本身策略係今天買1注 1068 雨潤食品，因為2600的大裂口都可以補番，為何1068不可! 而且如果這個大裂口係由嘜價而成，到最後都會回歸基本的價值(要幾耐時間就真係唔知)。
最尾，我入了超大注，目前持股比例佔我組合的40%，汗。追貨追得咁急的原因，係因為該股算係弱勢股(第5次洗倉，大戶又狂出負面報告，什麼沽售，唔值得買)卻有資金不問價咁向上掃貨，這係一個不尋常的現象。加上，現在市底強，只要有小小好消息，就引致雞犬皆升。在$13以下買入1068的風險應該唔高。

另一隻我增持的股份係716，增持的原因一樣係不問價咁俾大戶掃上$2.3。不過，$2.3的阻力都好大 。


新買入的還有868，收市前出現超大手買入，一下子推高股價至5.1，再汗。

基於1068出盈警而被嘜低25%價的經歷，令我對未出盈利預喜或預警的股份好有戒心。
 因此目前，我只會買入FA 唔會有特別驚喜或一定有增長的股票。


話說回頭，無悔昨天大手減持50%CASH 的做法。觀察太多細價股好費神。
始終組合夠穩健的話，組合的升幅會穩定，跌幅會有限。716便是好例子。

明天策略 (集中買好FA 股)
賣埋隻903，換入 716
等好消息出貨

期待:
會否再出現資金流炒?或是炒了HSI後就散水?
假如股市永遠唔會有平衡，只得偏高或低估的話，我相信呢浪升市無咁快玩完，當回吐愈來愈多，人人都視回吐為買入良機，咁才開始擔心吧。
另外，好認同漢尼拔",升市跌市是資金對市場投的票,沒有什麼應該不應該可言,現在的情況是:壞消息越出越多,市況越升越有"的看法。銀行戶口的數最能反映自己的投資是否正確。

 馬後炮:
有時單買一隻，如果中紅心的話，不需要做太多操作，就能跑WIN大市好多了。
以716為例子，我最低果注係$1.5買，如果全部係$1.5買，就已經有50%利潤 。


亂玩WARRENT 和動物證係令我損失慘重的原因，否則而家唔需要為追回股本而費刹思量。
有錢去歐洲玩TIM

病

1月至2月頭市況氣勢如虹，去到2月中市況就無再咁一面倒。
內銀和內房板塊先後走弱，太陽能遭洗倉一天，234線股亦紅潮遍野。
交易員，關二哥和cup sir 都表示關注市況變得不明朗，而鳴金收兵。有人全退也有人保留戰鬥力在戰場。
至於我自己，戶口數字的急速回落老實話我知主力部隊(234線)的風險大增，所以我由100%倉減馬至現在的46%cash。這次好比hsbc 裁員一般的狠。
其實除了1068 ，716，2722，189以外，其他的現倉都係可以賣得。
賣股係為了令自己有足夠的現金在低位補倉，並非因為看淡前景。

贏就谷，輸就縮 係一句至理名言!
因為反映了當時的局勢究竟是處於一個相對有利或不利的情況。
有利，點買都贏，當然谷。
不利，點買都損手，當然縮。

今年，我能否過肥年，全看1068和716呢兩隻殘價孖寶。
1157和3339作為我的市況探熱針。
2722和 189，則係價值投資的相對測量器
(189己走高，2722相對落後，但兩者的TA 都吸引)

開口中，細價股怒瀉

今天AL上午温書，下午面試，基本上無時間看市，做操作或換馬。
雖然細價股怒瀉令我組合打回原形甚至跌突(組合YIELD 下跌了4.3% 汗)，但是我面試良好的表現令不在意損失的失落感。況且昨天都講左我咁搏的買法，我預左有急跌的風險。目前可做的策略是止賺投機的細價股，並將資金放入回吐的FA股中。另一種想法係震倉，想震走持股信心一不多的人。以隱陣起見，取回資金買716是比較可取的其中一個做法。
再翻看圖表，其實都未至於量價齊跌。而且熊轉牛之間會持續的震盪，但係唔會跌穿10天或20天線的支持位。
在看多幾天才算，而且我未入貨朋友們都正在等待回吐的時候買貨，我估計如果回得深得一點，更有套利的空間。
跌得最金的係

00712

卡姆丹克太陽能

1.590

-0.170 (-9.66%)

01968

匹克體育

2.100

-0.190 (-8.30%)

胆搏胆的想法

今天組合yield回報上升4.1%至34.5%。
這幾天組合爆發性的增長，全因為股市充滿牛味，令到細價股全都炒起了。
其實自己集中買細價股的方法，升得快亦跌得易。如果跌10%，我就一下子嘔番晒d升幅。
現在堅持的信念就係恆指未升上21800以上，或者港匯開始轉弱，我都仲認為仍然有得炒 。

自己最近的操作都集中在中資的細價股上，只要1元至2元範圍而股價又夠殘，又曾經被好壞好壞好壞消息導致股價急速瀉下來的number 都是我目標。 我這行動是因為曾經錯過了剛炒起的1899和658，兩者分別距離我買入價升了35%及54%，而且仲要唔知1899和658會點爆上去。而家機會仲在眼前，能把握的就把握吧。

目前我的集中力放在1968, 1900,569 及578身上。
翻看578的歷史股價，我相信除了供股或執笠之外，都無咩風險可言，而且每次升浪可以有5倍升幅，人生無幾多次機會可以去咁以小搏大法。正常下，散戶邊夠胆去買1隻由6元直插去1元的股。大莊家要散貨必須炒起才可以吸引到散戶。

目前買578的機會成本係578唔郁，其他熱炒股卻炒上。

明天面試@@

超牛!

今天任何野都升，除非你無買貨~
本人組合回報yield 升5.47% @@，太誇張了。
少過4%升幅的股份，已算跑輸我的組合，這真係好牛的現象。
最開心係966,743都急升。
 最sad 係最買錯了1007 

由1月開始，本人組合回報yield已達30.47%。果然牛市下，人人都係股神。

其實，經歷了呢一個月，我認為買股票好講命水，買左唔郁(長線會升)，與一買就勁升係好有分別。呢種情況下，單日回報可以好過你買了好耐的一隻股票。
例如買左189一個月才升到18%，買左1968一日就升了13%，你話幾咁唔公平。

另外，對於無FA 的股票，我欠缺死牛的勇氣，以658為例子，$3.5買，$3.8就被震貨了，如果我堅持轉機股的概念，我已經有42%賬面利潤。

明天預期操作
沽出1007，買入716，搏盈喜爆升，eps $0.6568,現價$2.1，2011pe仲係3.19倍。
我諗緊，如果716管理層繼續有好表現，會否有12倍pe? 4倍升幅? $8?
唯一可惜的地方係大部人只會當佢係1 隻航運股，股民完全唔知道佢賣貨櫃的方式，佢唔會再好似2008年咁大幅提升供應量。而且2008-2009年的金融危機引致需求量暫停，到2010年市況平穩下，需求量一下子逼了出來，引致求過於供的有利情況。


轉機股係列
從反向角度和中國官場私相授授的文化去思想，569作為鐵路發展的收益人之一，569必會從身啟路。雖然錯過了$2.1入場位，但現價 都叫平。可惜無cash 買了。

小回吐日會在明天還是下星期一出現?

阻力

今天看經濟日報，吹噓基金追貨，牛市將來。大份部有提及的股份都有3-8%的升幅。資訊引申需求，但資訊的真實性從來無人考研，只要人人相信就足以構成上升動力。
從近日的觀察，了解股市某些時候係有路可捉。大市升，資金就會輪流炒落後版塊，這些時候只講TA，需求力量係瞎子一般去搶貨，無論件貨係點，只要架上無加價的貨就會去搶。
由1月温總講話做成的升浪係如下
前期  
紅籌+籃籌+內銀+石油化工+兒童用品 > 水泥+航運+內房+機械+新材料 >太陽能 >
回吐
中期 
煤炭+造船>航運> 太陽能>賭股+內保 >風電
後期
紅籌+籃籌>新材料+鐵路建設>醫藥+電池+內體

每次要升二三線股的時候，都係壓住籃籌和恆指
可恨的是這段期間功課做得不太好，板塊先後可能不太準。


今天出現了一個怪現象，就係恆指高開，我手持的股票有沽壓，見紅。
最賺的903單日跌了8%，而且係主動沽盤，但1.85左右有承接 ，有待觀察。

難道是短期見頂的表現!?  如果再跌多 8%，短線會買入搏反彈。
8%倉的亞泥可能會被我減持至3% ，並轉倉至內體搏持續反彈。
關注運動品牌
匹克體育1968   :FA較好，
中國動向 (03818.HK) :無FA可言，但TA相對較好 。


今天操作:
買入1072
增持1733
沽出部份1157
沽出止賺的2868

長短倉

基於67和2208大反彈的啟發 和 jazzf 的投資方法，我決定預留10% cash 只作為短倉轉換。
在最近咁牛的市況，其實好難買中一d 唔升的股份，差別只係究升得勁或少，所以做長倉係一個明智決定。之但係，買入的時機有可能唔準，或岩岩大漲小回的浪頂，要回吐才能再上。這數天的差別就令自己賺少8-12%。可是反向咁想，在前提會升的情況下，這是潛在套利空間。只要在回吐期買入，於目標利潤位賣出，再將資金套入另隻回吐期的股份，就能達到最profit maximization 的效果。當然，這套方法十分依靠大漲小回的浪幅概念，TA上的保加力通道和阻力/支持位的分析，而且更要嚴守止蝕位的紀律。因此要付出大量時間去觀察個別版塊的強弱和個別股份的走勢才能有效套利。
理論上，一個月做20次成功的3%套利交易，就能令資金升值160%-180%。事實上，一個月做到8-10次，就已經好叻仔!
今次目標係東氣1072 

怒升400點

今天公司忙，唔夠時間落盤，而且拿不定換馬的主意，索性收市前加倉買入3339和716。
最後悔係昨天無在$3.1時入番隻1899， 眼白白看著1899怒升了9%。如果昨天入左錢去銀行，今天真係豐收。


今天有4個發現，
1) 494 U盤跌到$16.5後，U番上去16.9收市，短線買入SIGNAL 出現。其實自己都想買入，可惜資金唔夠，需要拆多隻倉才能買心目中數量的494。 思前想後這押注太大，所以放棄執行。如果TA去分析，由保加力上軸回到中軸己經有承接，而且494在最近三天的市況落後大市，一旦再發力可去挑戰下一個裂口$19-20，可上升幅度有10-16%。有閒錢可買來炒波幅，但拆倉去買未免蝕手續費。除非又再怒爆上至$22，就當別論。


2) 另一隻係1938珠江鋼管  ，由10天高位2.6跌至前天低位2.28，昨天在2.3左右有支持，那時心思思究竟搏唔搏下，因為回調得好急，有D似658急跌8%震走我果時的感覺，所以令我認為1938可以試一試。不過，最後我選擇了712，743和573。結果係那三隻股票分別升了3.4%、5.2%和4.8%，不及珠江鋼管的7.8%。有時，真係算不了咁多。


 3) 第3隻係868，開市11:30左右己出現轉向大陽燭，在$4.65水平己有買入的衝動，因為轉向大陽燭上望$5，而且其後要補回的裂口好斜，大有炒落後爆上的空間。根據2314理文的圖表顯示，2314的$3-$3.5的下降裂口都好斜，所以兩三天就己經炒上至這個裂口。868之後的裂口位置在$5.4和$6。再上的裂口會難破D，因為係蟹貨區。換言之，買868有30%潛在上升空間。


 4) 最後一隻係1733 永暉焦煤，有陣陣妖股的味道。最近被傳做假數，所以被質低至$1.8。1月的走勢更係好差，雞犬皆升的1 月，它竟出現負回報-20%。現價剛企穩在$1.9，我相信只要出現轉向突破，亦即是升穿10天線，陽燭收市企在$2.1，就會急升至$2.8-$3。因為在8月出現的巨大裂口($2.1-$3)只需1個月時間(10月份)就被失而復得。同一道理，只要買入動力出現，跟注係好穩陣的做法。如果冒險D，就可以現價小注買入，搏50%的回報。當然，現價買要冒捱價震貨的風險或悶走的機會成本。或許，沽出67，去買1733可能勝算更大。


操作檢討:
我認為加注716係明智的做法，按TA看，只要$1.9-$2.1的蟹貨清了，面前就是超大形裂口，一下子就可以上望$2.6-$2.7。哈哈~我未免太樂觀。至於FA，仍然係VERY GOOD, PE還是超低的3倍，息率仍然有8.9%。反而重點在於建倉的深度應去到幾多%，應否現在趁低加倉至20%，再在$2.7減持呢?可以細心想一想策略


加注3339，可能未必係好明智的決定，因為3339的裂口高位在$3.9-$4.2，上望幅度好似麻麻地大。決定明天將部份倉換馬去1068。


1068 係最多裂口的股票，又大又深。用2319蒙牛乳業 做參考，在$10建底後，大約用了6個月時才升上$20，特別在2009年6月的升勢最為淩厲。我推測信心係需要反覆推上，才能建立買家的信心，至少我都未尚有猶豫感，怕出現大回吐問題。無論如何，在10元賭中，再在13元加注上去胆子應該要再大一點。


 573稻香，有時候買股係有考眼光的成份，搏一舖稻香發展成功，侯位加注。


倉位開刀調整研究中，966,2208,3339,67

組合表現總結:
不計及收市加入新資金的基數放大效果，今天組合回報由上升4.9%，汗@@
若果計埋，今天組合回報上升3%。
雖然係開心，但係我也試過一天唔見3.3%，所以不能高興得太早。 
 

運氣話來就來

今年真係好好運，果然新一年新開始。
希望10號的面試會有好表現。
有時候，唔作下嘗試，真係唔知會有怎樣的結果。即使明知失敗，但係如果試下所引致的損失唔大，就當買一個經驗啦。引申到買股票，唔買一定唔會賺，買左可能會蝕tim，之但係買左就會有一個贏的機會。正如903，只看唔買之下，眼白白就會看住佢升了25%。因此，買完之後，花時間去訂立止蝕，就係一個良好的投資方法。當然，買入的時間(TA)比 FA 來得重要，FA 就像強心針，令自己持股更有耐性，同時更容易跑WIN 大市。偉論吹完。

今天操作：
無咩頭緒，又唔想空留現金，唯有跟ＣＵＰ　ＳＩＲ和ＣＬＣＨＥＮＧ買。
買入５７３控股
買入７１２卡姆丹克太陽能
其實我對太陽能板塊無咩認識，買入純粹信CUP SIR 分析，之但係我都保持警剔，因為CUP SIR 也是人，都會有犯錯的時刻，只係錯得比正常人少。一旦有唔對路，沽出無悔。
573稻香，因為ＣＬＣＨＥＮＧ指出稻香未來在大陸大開分店，必定增長。TA 上，出現了破頸線,52週新高，1年9個月收貨期，10天月線升破20天月線必勝走勢，所以小注3%買入。飲食股通常溢價會高D，20倍PE以上，而且飲食股價硬淨，長期月走勢係向上，覆合增長20%以上，大家樂係大股東，對管理層有信心，長買之選，揸8年唔知有無4倍利潤呢@@(又發夢)

入主水泥股

我見you sir同cup sir做１月總結，我都學埋一份先。


１月份已實現利潤有９．６％，現有持股利潤（未實現）有１０．６％。
看似好高咁，其實由於上一年虧損嚴重，無止蝕，上了寶貴一課（＄＄＄＄＄＄＄），現有資金仍要追３０％利潤，才能打個和。因此，我而家買股一見唔對路，寧殺錯，唔放過。

目前策略上可以檢討的地方有幾個：
選股方面，要更加嚴格，避免在回吐市中受重傷，以前天單日回吐作例子，我就唔見了３．３％。ＦＡ要穩定增長之餘，股價亦要距離高位遠（本人怕高），ＴＡ上要有大成交在低位出現，即是有大戶積極買進。在咁的情況下，就可以揸得安心又放心。


保本為上的策略比進攻更為重要，因為損失太多子彈，等同提升了反攻的困難度。


今天操作：
沽出２６００（收市前好強，升了幾格，估佢唔到）
沽出３２３（本身可以食ＢＵＦＦＥＴ，而家只係賺個ＴＥＡ= =）
買入７４３亞洲水泥　（今天考慮過水泥板中，以呢隻預測ＰＥ最低３．３倍，成交偏低和有３－４％派息）


留下事項：
跟ＣＵＰ　ＳＩＲ買９０３，在買當天見到要錢唔要貨的現象，今天已經升至１．９８，真係估佢唔到，所以我有發夢死牛至3元最大的裂口。(@@但係2.1和2.6呢兩個裂口沽壓會好重)

２８６８，ＴＡ　麻麻，但係最近成交大得太唔合理，昨天回吐企硬，今天仲跟住升。上望1.9-2.1元，採見好就收策略


494係我研究左好耐的保加力股，待回到下軸後，我立即沽股去買。


1068，最高風險的FA股，因為豬瘟難料。正因為上述元素，所以才有咁大折讓。搏一搏LA，待回到下軸後，再增持1注。


友佳國際 (02398.HK)，係一隻好想買，但係是一隻買賣兩閒的股，賣出價抬高太多，找唔到位入，同時也擔心買了之後，沽唔出去@@

最想知道2128的業績，升到4.3，唔太想買。4元以下可考慮。


3339 PE 低，上3.8應該無問題，再上真係WHO KNOWS


716 TA係 VERY GOOD ，息口高１０％　。看過行內報告（係超多英文果Ｄ），行業前景2-3年內唔受航運業影響，想再買多D，但BETA高，唔想再中招。最儘係買多少少　５％。

大回吐

本身預期升市會持續，可惜跌眼鏡。
這跌一跌對我未必是一件壞事，至少令自己了解順勢未必會好下去。而且令我反思如果一定要強迫賣貨套現，我自己心情係幾咁忐忑，唔知向邊一隻下手。最終選擇了無咩跌幅的1899和966下手。由於見1157跌到太金，所以最後還傻傻地咁衝入去買上星期於11.2放左d 的1157。今天回家看TA，發現1157 TA變壞的可能性大增，希望唔會再蟹1157 la。其後，為了增加自己的信心，翻查EPS ，原來1157的預期PE有9倍。相比起3339，3339PE只有4.5倍，貴了一倍@@。還是買3339更好~
67和2208超燈，蟹了。
323有可能會放。
2868 超硬，跌不下的內房= ="   彈OVER10-15%-20%就沽
1068 終於回了!侯位買入。想再入1手
494的走勢係我指路明燈。
2600和17係成份股，不知該不該殺。
看來太多長倉都係一個煩惱。因此我決定用25%ASSET 作(短倉加現金)， 令自己更有彈性。
716
1068
2722
67
189
17
2600
904


今天組合跌了3.39%，損失嚴重。

向20000出發

 好好彩，昨天提及的1899和966都爆上了。可惜早上要出job，iphone卻用唔到渣打的網上買賣。眼白白錯過了買進1899和966最佳價位。明天係兔年最後一個交易日，跟住放5天長假，收市前應該有沽壓，兔仔最後一彈能否守在20000點之上呢?抑或留番呢個榮譽給下年的龍仔? XD


其實~~
最近我被勝利沖昏了頭腦，無好好思考谷底向上衝的牛市要如何投資才會有最高的回報。
我只係將自己的心機放於發掘轉機股身上。無可否認，目前的回報超過15%，十分可觀。可是，我突然發現我做錯了，我忽略了一個重點。這樣的單邊市上，真係唔會持續好長時間，我心知有些股票例如內銀1288,3988都會勁升，亦估到內銀會至少會有12% 升幅。於9/1/2012，我清楚觀察到大戶壓住恆指，去輪流炒各板塊。更估計到恆指會挑戰20000點，相關恆指成份股無可能唔升。既然我知道這超短暫的絕對黃金時刻(這詞語係我自己作的，意思係指在雞犬皆升的急升市，這一段超短時段內<兩星期或更短時間>，股市升的機會會比跌的機會高勁多。換言之，回報和風險不成正比，是高回報極低風險的時刻)會出現，我卻無訓身買入內銀的牛證，搏取最大的回報。尤其係1288,3988,1398都升左咁多，939卻落後。我理應要將資金放進939的牛證。5天升50%的低風險機會，1年裡真係唔會發生好多次。目前，939仍然落後。雖然我估計939可上6.5元-6.7元水平，但係目前的939好超買，回吐風險很大。買牛證損失的風險被放大，做摃杆的意慾大減。



基本上，如果投入所有可用的資金買939的牛證，先賺50-70%，才將增值了資金買入谷底股。基於基數大了，multiper effect 的結果會更大。


問心，我係超貪心的。我希望我的身家能在呢兩年的升浪中翻3倍。於是乎，我好努力咁尋找一D 好殘好殘的股，跌超過80%的股票更是心頭好。跌超過80%的股票升回原價相等於升4倍。可是，我發覺跌得咁殘的股票，它的基本因素真係差得好要命，例如高負債、蝕錢或者係妖股。否則正常人係唔會肯以殘價賣給你。今天CUP SIR的BLOG說出了買轉折股的弊端(估錯了亦會很大鑊，輕則跑輸，重則損手)。當人人賺錢，而你買果D 唔曉升，甚至跌。自己心理上會係超難受。因此如何去平衡轉折股、必升股(因為恆指升，大部份籃籌股都會升)與現金的比例係幾何倍增資產的關鍵。


另一個加速資產累積的方法係：於板塊輪流炒下，賣出急升超過15-20%的股票，並買入未有點升的落後板塊。當該板塊急升後，就再次買入回吐或未升的板塊。如果技巧做得好，就相等於買馬過關一樣咁好執。如果做到3次炒賣，就會有(1.2 X1.2 X 1.2= 1.7)70%回報。4次炒賣就會有2倍回報。


想達到倍增資產，死牛未必係最好方法。況且，牛市的時候，好多股都能夠翻一倍。 因此買好多能翻一倍的股票，只能夠保障自己的資產能翻一倍。若想翻兩倍以上，除了發掘轉折股，不停炒賣係唯一的方法。不過，炒賣的技巧和TA 分析不是我的強項。

另一種方法 係玩期權或遠期認股證，不過我未有深入研究。
諗真D，現在20000點。如果係牛市，始終會升到24000以上，究竟如何把握這4000點空間，係目前最重要的事情。

關於1157 及 3339的相關走勢

以下係人手用互動圖表比較走勢的歷史結果，可能會有5%standard deviation誤差存在

	1157	中聯重科		3339	中國龍工
	由	去	相差	由	去	相差
23/12/2010 - 13/04/2011	13.2	17.2	30.30%	4.25	6.07	42.82%
13/04/2011 - 13/06/2011	17.2	12.3	-28.49%	6.07	3.74	-38.39%
13/06/2011 - 05/07/2011	12.3	16.16	31.38%	3.74	4.51	20.59%
13/06/2011 - 26/09/2011	16.28	7.19	-55.84%	4.51	2.21	-51.00%
26/09/2011 - 28/10/2011	7.19	12.3	71.07%	2.21	3.32	50.23%
28/10/2011 - 29/11/2011	12.3	7.8	-36.59%	3.32	2.45	-26.20%
29/11/2011 - 19/01/2012	7.8	10.8	38.46%	2.45	2.94	20.00%
OVERALL	17.2	7.8	-54.65%	6.07	2.45	-59.64%
FUTURE!!??	7.8	17.2	120.51%	2.45	6.07	147.76%
NOW- TARGET	10.8	15	38.89%	2.94	4.5	53.06%

結果顯示 3339係落後1157大約15%。換言之，10.8元的1157 =3.35元的3339
哈~其實係估下無痛苦~
雖然數字難估，但相關走勢的statistics 都顯示，兩者必定最後同步。有任何一方落後，或提早轉弱。另一方必步後塵。

輪到炒保險股

今天零操作

板塊輪流炒，今天輪到炒保險股。保險股以中國太平966吸引到我的目光。由於公司唔方便用aastock 打開8年週線圖，未能看清楚966的真實走勢。番到屋企，才發現966真係好殘，跌足了1年，由$30洗到$12.5。距離2008年低位$10，唔係差好遠，而且一樣跌了19元的幅度。不過，不利的條件有三個，第1係盈警，泰國水災受累蝕錢。第2係唔乎合量價齊升的條件，雖然最近兩天出現大成交，可惜價位無咩點升。第3週線向下，TA 未出現好明顯的突破SIGNAL。買呢類股，最怕低處未算低。如果KEEP 住跌落10元甚至更低，真係會好大損失。再從逆向思維去看，出了盈警，而股價再跌不下去，甚至反升，就係代表有強大的投資者承接，認為未來遠景係正面。正如2866，最近出了盈警，股價卻反彈了好多，因為大家認為未來運費會上升。因此受壞消息影響，而股價升的股票，係特別值得留意的轉機股。

我相信966係轉機股，難題係買入點在那裡。

另一隻吸引我注意的就係1899興達國際，今天才發現1899價量齊升，反應太遲頓。呢隻股對於我係有段故仔，在2011年4月尾期間我買入1899，第二天就急瀉$1(接近8%)，係我最大的單日損失，我立即止蝕離場，其後股災就開始。之後純利倒退47.3%，我就唔敢再掂1899。今天1899由谷底$2.8反彈到達$3。最近4天成交放量，接近2億元。

等我都學下大戶的講法，我確信買入1899，哈哈。

 在滿倉情況下，要買1899或966，必須賣貨才得。無辦法，697首長和1157難逃被我減持呢!

還有，1972. 太古地產，也是我心頭好。

升到爆

今天升了600點, 是久違了的大升，而且成交增加到678億，買入力量十足。

自己的持股升幅至少2.5%以上，升得最多的是中國鋁業，有8.12%。似乎在一個灰極的股市中，殘股的反撲力量會係最強。可能因為買方的信心弱，更願意在股價看似不穩的情況賣出股票，而最終落入收集者(大戶)的手上。

基本上，今天我係十分貼市的，所以留意到《要貨唔要錢》的現象。早上高開後，在10:30-11:30的時段有回吐的壓力，而且向上的沽盤也排得密密麻麻。在中午收市前，已經重上開市的高位，甚至比開市高位更高。下午就不得了，買盤好像排山倒海，好多股都追落後，或者升突。最後30分鐘，買盤更見積極，勢要推到有咁高得咁高。正如 投資達人 曾經所說，升市係要真金白銀咁堆砌上去，所以今天的升市係好有意義。我亦特別留意個別股份的表現，以分別那些才是潛質股，並逐步調整自己持股的百份比。

今天總共做了5宗買賣。因為剛剛出了糧，所以立即在早上加碼買進心儀已久的189。到11:00左右，發現3339 價量突破，最高升2.78(升8%)，在2.72稍為回吐的時候，沽出了658套現現金去入貨(其實今天658都升左好多8%= =)。另外，我一直持有大量1157，所以對於姊妹股3339的落後感到好意外。1157已經由低位$8-8.5升至$10.3，有25%升幅。不過，3339好似無咩點郁，本身我打算3339出現第一支大陽燭(4-5%)後，亦即是追落後的signal，才大手買入。可惜，3339一係唔追，一追就追12%，相等對於追了半。不能不佩服大戶夾高的魔術技巧。由於1157和3339存在差價，我在臨收市前，沽出部份1157，再加碼明知有得賺的豬肉3339。暫時3339的目標價係10月尾的阻力位$3.25-3.4。希望我呢個做法係正確LA。

食了團年飯後，第一時間去睇各大BLOG友的看法。最樂觀是CUP SIR，他一樣入了3339，哈。關二哥選擇轉軚，由前天全線沽出，改為今天大手買進，他也一樣入了3339。最受波幅影響的是投資達人 ，TREND FOLLOWER 唔易做，股市的假SIGANL的確好易玩死人。講古交易員 就保守D，對於升市有戒心，並提出了下一次調整的可能條件。 果然，《一樣米，養百樣人》。

目前，我最看好的是內銀，而偏偏連1股都無，真係吹脹。如果要買，以3988的派息和走勢最為吸引。而1288最有潛力，可惜1288好快到$3.8,$4的關鍵阻力位。即使突破了，都要在這範圍波動。從另一個角度看，錯過了$3.3-3.7的入貨位，唔代表$3.8的入貨位係貴。 另外，好後悔無把握2128 $3.3-$3.5的買入位。這就是同時留意太多隻股票的壞處哦。

策略:

除非有重要意外/事件發生，我主力會係儲貨，並會定期轉換某些股份去提高操作效率和降低風險。

1．入貨目標1068,494,716,2128, 189, 67, 1288,3988

2．尋找業績無咩點倒退，派息穩定兼高息的股份

3．TA~ 出現升穿10天月線的股票

感恩的~
能夠於9/1/2012確認升市的開始。
內房688絶對係轉勢的明燈。
當連最不被人看好的東西都突然強勢起來，自己就要做好入市的準備~